Genesisi 40:13 - Bhiblia Yo Sawuleka

¹³ kambe mndani ka masiku mararu, Faro a na kuguleta u txi tshumelela mthumoni kwako, se u na ya veka kopo manzani ka Faro, madingano ni tolovelo ya kale, mbimo yi u nga ti mtheleli wakwe.

Genesisi 40:13 Referans Kwoze

Jeremiya 52:31

Ku to maneka koko taku, ka dilembe da wugumi ni mararu a wukhumbi wa Jehoyakimi, mfumeli wa ka Judha, ka mtxima wa wugumi ni yimbidi, ka ditshiku da magumi mambidi ni mtxhanu ka mtxima, aha Evhili-Merodhaki, mfumeli wa Bhabhilona, ka dilembe do khata da kufuma kwakwe, a to guleta msungo wa Jahoyakimi, mfumeli wa ka Judha, e mu humisa ka nyumba ya mkora;

Masalmo 3:3

Aniko awe, Mkoma, u txitxhavangu txangu txo ni vhikela; awe u wudhumo wangu, ngawe u ni tsanisako.

2 Vafumeli 25:27

Msana keto, ku to maheka tito, ka dilembe da magumi mararu ni mtxhanu wa malembe ni mambidi, a wukhumbi wa Jowakimu, mfumeli wa ka Judha, ka mtxima wa digumi ni yimbidi, ngu ditshiku da magumi mambidi ni mtxhanu wa masiku ni mambidi, Evhili-Merodhaki, mfumeli wa Bhabhilona, ka dilembe dile a nga fuma ngu dona, a to txhatxhisa Jowakimi, mfumeli wa ka Judha, nyumbani ka kukhotelwa.

Genesisi 7:4

Nguko, ku di pindile mtxhanu wa masiku ni mambidi, ni na maha ti to mndani ka mune wa magumi a masiku, ku txi wa mati wusiku ni mitshikari, kasi ku ni na lovisa ha mafuni sotshe sivangwa si ni nga si maha.”

Genesisi 40:1

Ngu msana ka totshelele tiya, ku mahekile ti to mtheleli wa so sela sa mfumeli, wa Egipta ni m'bhikeli wakwe wa mapawu, va manekile va di onhete nyamne wawe, mfumeli wa Egipta.

Genesisi 40:12

Sekoko Josefa a to khene kwakwe: “Txhamuselo ya mloro wuwa ngu yiya: Madhavi a mararu ma kombisa masiku mararu;

Genesisi 40:14

Kambe ni alakanye, ngako u txi humelela ngu nzila ya yinene; siza u txi ni mahela wuxinji, u ni kombelela ka Faro, kasiku e ni humisa ka yiya nyumba;