Genesisi 4:8 - Bhiblia Yo Sawuleka

⁸ Se Kayini a to langana ni mwanawe Abhele: “A hi tsimbile thembweni.” Se ku to maheka taku, va di thembweni, Kayini e wukela mwanawe Abhele, a txi m'daya.

Genesisi 4:8 Referans Kwoze

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Matewu 23:35

Kasiku wu txi thekelela txitimwi kwanu wotshe mnoha wo lulama wu nga theketwa ha mafuni, kukhukhela ka mnoha wa m'lulami Abhele kala kuhoka ka mnoha wa Zakariya, mwanana wa Bharakiya, awu mi nga m'daya hagari ka wukhalo wo sawuleka ni txiluvelo.

Luka 11:51

kukhata ngu mnoha wa Abhele kala kuhetisela ngu wa Zakariya, awu a nga dawa hagari ka txiluvelo ni Wukhalo wo Sawuleka ngutu; inna, na mi gela ni khani: Wu na vilwa ka liveleko liya.

Mika 7:6

Nguko mfana a txhipisa tate wakwe, mwanana wa dihorana a wukela mwamwakwe, mamanyani a wukela masale wakwe, valala va m'thu ngu va nyumba yawe.

2 Samuwele 14:6

Txithumi txako koko txa txisikati txi ti ti ni vanana vambidi, va to lwa thembweni, kambe kha kuya maneka wo va lamula; ngu kumaha keto, mmweyo wawe a to daya mmwani efa.

Nehemiya 6:2

Sambalati ni Geseni va to rumela m'biko, va txi kha vona: Ngono hi ta tshangana sidhoropanani ka mkova wa Ono. Aniko vona va ti ti lava kuya ni maha ta walo.

2 Samuwele 3:27

A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe.

Vahebheru 12:24

ni ka Jesu muemeli wa txitumelelano txa Txiphya, ni ka mnoha wa kuxwayela, wu wu ku ni lisima lo pinda mnoha wa Abhele.

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

Jobe 11:15

sekoko khohe yako yi na guleka yi si nga ni tingana; u na tsana, khu na mbi va ni dijowa.

Luka 22:48

Jesu a to mu gela ku khene: “Judha, wa ningela Mwanana wa M'thu ngu kupswopswa, kani?”

Masalmo 139:19

Txizimu, fuvisa avale va mahako kubiha, anu sigevenga, hambukani mi tsula kule ni nani.

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Genesisi 4:25

Se Adhamu a to engeta e ziva msikati wakwe; awu a nga mana mwanana. A to mraya ditina daku i Sete. Nguko ene a ti khene: “Txizimu txi ni ningile mmwani mwanana kasi kutsiveta Abhele, wu a nga dawa ngu Kayini.”

Mitengo 35:20

Se m'thu a txi retha m'thu ngu mhaka ya ku mnyenya, mwendo kurinza txo maha txi m'daya,

2 Makronika 21:4

Se ngako Jehoramu a di khalahatshile ka wukoma wa tate wakwe ni ngako a di tsani, a to daya voshe vanawe ngu ditxhari e daya ni vathangeli vamwani va ka Israyeli.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.