Genesisi 4:5 - Bhiblia Yo Sawuleka

⁵ aniko kha wona ngu kutsaka Kayini ni mningelo wakwe. Kayini a to henya ngutu, ni khohe yakwe yi to thuvika.

Genesisi 4:5 Referans Kwoze

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Masalmo 20:3

Txizimu txi na khumbule yotshe miningelo yako txi na amukele mhamba yako yo hiswa.

Matewu 20:15

Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

Mitengo 16:15

Sekoko Mosi a to henya ngutu, e gela Mkoma ku khene: Ava vathu, u nga amukele miningelo yawe! Ani lambi kha na nga teka ni mbongola yimweyo kwawe; lambi ni kudyelela ni wammweyo wawe.

Genesisi 31:5

a to ta va gela tiya: “Ni wona ti to tate wanu khaswi a txi ni tsakela kufana ni kale, aniko Txizimu txa tate wangu txi ni nani.”

Genesisi 31:2

Ngu kuwona khohe ya Labhani, Jakobe a ti woni kambe ti to Labhani khaswi a txi mtsakela kufana ni kale.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Mavingu 29:10

Sidayi si ni livengo ka m'thu wo lulama, kambe vale vo lulama va ti lavela wunene wawe.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Genesisi 39:19

Mbimo yi Potifari a nga engisa ti mkatakwe a nga m'geletela, ta ku khene: “Wona ati txithumi txiya txako txi nga maha kwangu,” a to henya ngutu.

Jobe 15:13

Moya wako wu tshuralela Txizimu ngu kutxani, se u leka mapswi o ngeto me huma ngu mkanani kwako kani?

Mavingu 19:3

Wuphukuphuku wa m'thu wu na timeta nzila yakwe, se mbilu yakwe yi na henyela Mkoma.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.