Genesisi 4:4 - Bhiblia Yo Sawuleka

⁴ Se Abhele nene a to ningela matiwula a tinvuta ta txibalani kwakwe, to nona. Mkoma a to wona ngu kutsaka Abhele ni mningelo wakwe;

Genesisi 4:4 Referans Kwoze

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Mavingu 3:9

Dhunda Mkoma ngu thomba yako, ni sotshe so khata sa mu ka dibhindu dako;

Eksodha 13:12

u na ningela ka Mkoma, votshe vanana va mazambi avale i ku matiwula, ni sifuyo sotshe sa matiwula sa vamatune si mi ku naso, nguko vanana vo khata va lumba Mkoma.

Mitengo 18:17

Aniko matiwula a homu ya makati, ni a nvuta, ni a phongo, kha ma na mbi tirulwa; nguko ma sawulekile: U na theketa mnoha wa kona ha txiluveloni, u hisa mafura a kona ngu mningelo wo hiswa, wo bhumula ka Mkoma.

Vahebheru 9:22

Madingano ni kuruma ka mlayo, sotshe simaha si fanete kubasiswa ngu mnoha; se hahanze ka mnoha, kuwalo divalelo ya sionho.

Masalmo 20:3

Txizimu txi na khumbule yotshe miningelo yako txi na amukele mhamba yako yo hiswa.

2 Makronika 7:1

Mbimo yi Solomoni a nga heta kukhongela, ku to txhika mndilo ngu nzumani u hisa mningelo wo hiswa ni miphaxo; se wudhumo wa Mkoma wu to tata nyumba.

1 Makronika 21:26

Sekoko Dhavhidha a to aka koneho txiluvelo txa Mkoma, e ningela ka txona miphaxo ya kuhiswa ni miningelo ya kudikha, e dhana Mkoma, awule a nga mxamula ngu mndilo wa nzumani txitimwi ka txiluvelo txa mphaxo wa kuhiswa.

1 Vafumeli 18:38

Sekoko wu to wa mndilo ngu ka Mkoma, wu tshokomisa mningelo ni tikhuni, marigwi ni lithulu, wu tshumela wu txi danzela ni mati a mule ka msele.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Genesisi 15:17

Ngako di ti swite ditambo, ku to va ni txidema txa hombe; Ku txi humelela txikho txi nga txi tuvikela, ni txisoso txa mndilo txi nga txi pinda ngu hagari ka sihari si si nga bhandiselwa.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Valamuli 6:21

Ti ndi ngeto, konako, Ngelozi ya Mkoma yi to xungameta ngu tshoka ya ndonga yi nga ti ti nayo manzani, yi gwesa ngu yona nyama ni mapawu o mbi tshumbelwa. Mndilo wu to huma ngu ha ka dirigwi wu txi tura, wu txi hisa nyama ni mapawu o mbi tshumbelwa, se Ngelozi ya Mkoma yi to mwalala, yi si woneki masoni kwakwe.

Mitengo 18:12

Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

1 Vafumeli 18:24

Sekoko khongelani ka ditina da txizimu txanu, se ani ni na khongela ka ditina da Mkoma; se ku na maheka ti taku txizimu txi txi no xamula ngu mndilo, etxo txi nave txona Txizimu. Se votshe vathu va to xamula va txi kha vona: Ndinene dipswi diya.

Genesisi 4:3

Ku di pindile mbimo yokari, Kayini a to maha ka Mkoma mningelo wa mihando ya mafu.

Mitengo 16:15

Sekoko Mosi a to henya ngutu, e gela Mkoma ku khene: Ava vathu, u nga amukele miningelo yawe! Ani lambi kha na nga teka ni mbongola yimweyo kwawe; lambi ni kudyelela ni wammweyo wawe.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.