Genesisi 4:26 - Bhiblia Yo Sawuleka

²⁶ Nene Sete a mani mwanana, awu a nga mraya ku i Enosi; sekoko ku to khata kukhozelwa Mkoma.

Genesisi 4:26 Referans Kwoze

Masalmo 116:17

Ni na phaxa mhamba ya ku kudhumisa ni txi khozela ditinani ka Mkoma.

1 Vafumeli 18:24

Sekoko khongelani ka ditina da txizimu txanu, se ani ni na khongela ka ditina da Mkoma; se ku na maheka ti taku txizimu txi txi no xamula ngu mndilo, etxo txi nave txona Txizimu. Se votshe vathu va to xamula va txi kha vona: Ndinene dipswi diya.

Zefaniya 3:9

Sekoko ni na sawulekisa sisofu sa vathu, kasiku votshe va txi khongela ditina da Mkoma, ve mthumela ngu moya wumwewo.

Joyeli 2:32

Se ku na maheka taku, votshe vale va no khumbuka ditina da Mkoma, va na hanyiswa; nguko mmangoni ka Siyoni ni Jerusalema ku na veho kuthuseka, madingano ni ti a khalako kuwomba Mkoma, ni ka vamwani ava Mkoma a no va dhana.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Luka 3:38

mwana Enosi, mwana Sete, mwana Adhamu, mwana Txizimu.

Jeremiya 33:16

Judha a na hanyiswa kayo masiku, ni Jerusalema a na zumba ngu kuthutha. Va na m'dhana ngu ditina do kha vona, Mkoma ngene kululama kwathu.

Genesisi 26:25

Sekoko Isaake a to aka txiluvelo koneho, e dhumisa ditina da Mkoma, a txi zima ditenda dakwe; se sithumi sa Isaake, si to kela txisima kona hale.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Varoma 10:13

Nguko wuhi ni wuhi a khozelako ditinani ka Mkoma a na hanyiswa.

Mithumo 11:26

Ngako a di mu mani, a to mteka e tsula nayo Antiyokiya. Va ti ya zumba koneyo dilembe dotshe, va txi thuma votshe ka dibanza diya, ve gondisa vathu votala ngutu. Ngu kona Antiyokiya vagondiswa va nga khata kudhanwa ngu ditina daku i makristu.

Mithumo 2:21

Se wuhi ni wuhi a no khongela ngu ditina da Mkoma, a na huluka.’ ”

Isaya 63:19

Hi tshumete hi txi nga vale u si khaliko ku va fumela, ni kufana ni vale va si khaliko kudhanwa ngu ditina dako.

Isaya 48:1

Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Isaya 44:5

Awuwa a na khene: Ani ni wa Mkoma; awule a na ti dhana ngu ditina da Jakobe; se awule mmwani a na bhala ngu dianza, taku: Ani ni wa Mkoma; se txibongo txakwe, a na teka ditina da Israyeli.