Genesisi 4:2 - Bhiblia Yo Sawuleka

² Se a to veleka mwanawe, Kayini. Abhele a to maha m'dyisi wa tinvuta, Kayini eva m'dimi wa mafu.

Genesisi 4:2 Referans Kwoze

1 Johani 3:15

Votshe va va vengelako vanawe mbadayi va vathu; se ma tiziva ti to kuwalo wu i ku m'dayi, awu wutomi wo mbi guma wu sikotako kuzumba kwakwe.

1 Johani 3:12

Hi nga faneni ni Kayini; awuwa, ngukuva i di m'bihi, a date mnanda wakwe. Se a m'dayete txani kani? Mithumo yakwe i ti yo biha, kasi mithumo ya mnanda wakwe i ti yo lulama.

Luka 11:51

kukhata ngu mnoha wa Abhele kala kuhetisela ngu wa Zakariya, awu a nga dawa hagari ka txiluvelo ni Wukhalo wo Sawuleka ngutu; inna, na mi gela ni khani: Wu na vilwa ka liveleko liya.

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Genesisi 47:3

Sekoko Faro a to khene ka vanawe: “Ngu wuhi mthumo wanu kani?” Vona va to xamula va txi kha vona: “Athu sithumi sako hi vadyisi va tinvuta, athu hotshethu ni vatate vathu.”

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Amosi 7:15

Aniko Mkoma a ni thavisile ka wudyisi wa sifuyo, se ani gela a txi khene: Tsula u ya profeta ka vathu vangu va ka Israyeli.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Genesisi 37:13

Israyeli a to womba ka Josefa a txi khene: “Vakomwako va tsute Sikemi, va txi ya dyisela kona mitxhambi. Ngono, ni na kuruma kwakwe.” Se Josefa a to xamula, a txi khene: “Ni ti lulamisete.”

Genesisi 9:20

Se Nowa a to maha m'dimi wa mafu, e phaya mivhinya.

Genesisi 3:23

Mkoma Txizimu koko, a to mtshotsha hahanze ka thembwe ya Edheni kasi ku e dima mafu ale a nga thaviswa ka ona.

Luka 11:50

Ati to mnoha wa vaprofeti votshe wu wu nga theketwa kukhukhela kutumbulukani ka mafu, wu txi vilwa ka liveleko liya,

Genesisi 4:1

Se wamwamna a to ziva Evha, msikati wakwe. Ene a to mana txirumbu e veleka Kayini; sekoko a to khene: “Ni mani mwanana wa mfana, ngu kuvhuna ka Mkoma.”

Genesisi 4:3

Ku di pindile mbimo yokari, Kayini a to maha ka Mkoma mningelo wa mihando ya mafu.