Genesisi 4:17 - Bhiblia Yo Sawuleka

¹⁷ Se Kayini a to ziva msikati wakwe, a to mana txirumbu e veleka Enoki; a to aka didhoropa e di raya ditina da mwanana wakwe Enoki.

Genesisi 4:17 Referans Kwoze

Masalmo 49:11

Mapimo a mndani kwawe, ngu tito, tinyumba tawe nda yotshe mbimo, ka liveleko ni liveleko; matiko awe va ma raya matina awe vapune.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

2 Samuwele 18:18

Mbimo yile Abhisalome a nga txi hanya, a ti ti emisete phande, yi yi ku mkovani ka Mfumeli, nguko a ti khene: Kha ni na mwanana ni wammweyo wo sala a txi alakanya ditina dangu. Se phande yile a to yi raya ditina dakwe; ngu toneto, kala ka ditshiku da nyamsi yi dhanwa ku Sika ya Abhisalome.

Genesisi 11:4

Va to kha vona: “A hi ti akeleni didhoropa ni txitezi, atxiya txiroro txa kona txi no hoka nzumani, se ditina dathu di na va ni nduma, kasi ku hi si hangalaswi ka otshe mafu.”

Genesisi 5:22

Ngu msana ka kuvelekwa ka Metusela, Enoki a to tsimbila kumweko ni Txizimu 300 wa malembe, e veleka mazambi ni mahorana.

Genesisi 5:18

Jaredhi wa tanga ya 162 wa malembe, a to veleka Enoki

Genesisi 4:16

Se Kayini a to khukha ngu masoni ka Mkoma, eya zumba ditikoni ka Nodhe, wutxani ka Edheni.

Genesisi 4:18

Se Enoki a to veleka Iradhe; a nga veleka Mewujayeli; Mewujayeli a to veleka Metusayeli; Metusayeli a to veleka Lameki.

Masalmo 49:12

Wuhombe wa m'thu kha wu sikoti ku m'hulukisa ka lifo; kufana ni sotshe sihari, nene a fanete kufa.