Genesisi 4:11 - Bhiblia Yo Sawuleka

¹¹ Se konkuwa, u ruketetwe ha mafuni, aale ma nga asama txisofu txa ona, kasi kusela ngu manzani kwako, mnoha wa mnanda wako.

Genesisi 4:11 Referans Kwoze

Vagalatiya 3:10

Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”

Jobe 16:18

O! Mafu, u nga kuletele mnoha wangu; kambe ku nga maneke wukhalo wa kudila kwangu!

Genesisi 3:14

Sekoko Mkoma Txizimu a to khene ka mnyoka: “Ngako u nga maha tiya, u ruketetwe ngutu kupinda sotshe sihari sa txitinga; u na tsimbila ngu dibindi, udya lithulu la mafu, otshe masiku a kuhanya kwako.

Mtuletelo 12:16

Kambe mafu ma to lamulela wamsikati, nguko ma asamile me mita mnambo wu mwamilambo a nga ti wu kosile.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Genesisi 4:14

Wa ni tutumisa nyamsi ka ditiko diya; ni kurumetwa kusisala kule ni khohe yako, ni na tsimbila ni txi thava-thava ni kupepeseka ha mafuni, ni wu a no khata ku ni mana, a na ni daya.”

Genesisi 5:29

Se e mraya ditina daku i Nowa, a txi khene: “Mwanana wuwa a na hi thavelela kukaralani kwathu, ni kuxuphekani ka mithumo ya manza athu, ka mafu awa Mkoma a nga ma ruketela.”