Genesisi 4:10 - Bhiblia Yo Sawuleka

¹⁰ Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

Genesisi 4:10 Referans Kwoze

Vahebheru 12:24

ni ka Jesu muemeli wa txitumelelano txa Txiphya, ni ka mnoha wa kuxwayela, wu wu ku ni lisima lo pinda mnoha wa Abhele.

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Masalmo 72:14

A nava hulukisa wukhumbini ni kuxaniswani, nguko wutomi wawe wu ni lisima kwakwe.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Masalmo 9:12

Ene a alakanyela ava va xuphekako a txi va xayisa kha divali huwa ya va va xaniswako.

Mitengo 35:33

Ngu maha yeto, kha mi na mbi nyenyezisa ditiko di mi ku ka dona; nguko mnoha wa maha ditiko di nyenyeza; kambe ni wawumwewo mphaxo wa kuthavisa txionho, kha wu na mbi mahwa ngu mhaka ya ditiko, ngu mhaka ya mnoha wu wu no thekela ka dona, hahanze ka mnoha wa wule a nga theketa mnoha wa mmwani m'thu.

Jobe 16:18

O! Mafu, u nga kuletele mnoha wangu; kambe ku nga maneke wukhalo wa kudila kwangu!

Genesisi 9:5

Ngu ditshuri ni na lava mnoha wanu, ngako mnoha wa m'thu wu txi theketwa, ni na maha ti to wu dihwa. Hambi i di txihari txi wu theketako, mwendo i m'thu a wu theketako, ni na wu dihisa.

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Jobe 24:12

Madhoropani va keta vathu, ni moya wa vo dayiswa wa kwangula; aniko Txizimu kha txi na mhaka ngu wuphukuphuku wawe.

2 Vafumeli 9:26

Ngu ditshuri, i tiku ni sa wona nyamnova ni mitshikari mnoha wa Nabhote ni mnoha wa vanana vakwe, kuwomba Mkoma, nga ni si ku dihi wukhalo wu wa wudotho wa thembwe, kuwomba Mkoma. Konkuwa mteke u txi mtshotsha ka wukhalo wu wa wudotho wa thembwe, madingano ni dipswi da Mkoma.

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Genesisi 18:20

Mkoma a to khene kambe ka Abrahamu: “Huwa ya kumangalela Sodhoma ni Gomora nja hombe ngutu, txionho txawe txa thisa ngutu.

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Mithumo 5:9

Sekoko Pedro a txi khene kwakwe: “Mi tumelelanisile kutxani kuduka Moya wa Mkoma kani? Wona mikondo ya va va nga tshotsha mwamna wako, ndiye ha txikeni hawa; na nawe va na kuteka.”

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Dhewuteronome 21:1

Ngako ku txi tumbulwa txirumbi txa m'thu wa kufa txitingani ka ditiko dile Mkoma, Txizimu txako, a no kuninga, na asi ziwi awule a nga m'daya,

1 Samuwele 13:11

Sekoko Samuwele a to khene: U mahile txani kani? Sawule a to khene: Ni di woni ti to vathu va khata ku hangalakela, ni ti to awe khu bwaki mndani ka masiku ale hi nga langana, ni ku Vafilista va sengeletani kona Mikimaxi,

2 Makronika 28:9

Ku di ni wammweyo wa mprofeti wa Mkoma, ditina dakwe i ti ti Obhedhi, se mbimo yi dibutho di nga ti wuya ngu Samariya, a to huma e va hingeta a txi khene: Mkoma Txizimu txa vatate vanu, a henyete va ka Judha, a va ningela manzani kwanu, mi va daya ngu tshiku yile yi nga hoka ni nzumani.

Masalmo 9:13

Telwa ngu wumbilu ngu ngani, Mkoma! Wona kuxaniswa kwangu ngu vale va ni nyenyako. Ni khukhise ha ka matimba ya lifo,