Genesisi 39:9 - Bhiblia Yo Sawuleka

⁹ Kha nga ho mmwani i ku wa hombe ha m'tini kwakwe, hahanze kwangu: Kha txi nga ho txi a ni tsimbako ku txi gwesa, hahanze kwako awe dwe, nguko u msikati wakwe. Ni nga sikotisa kutxani kumaha to biha ta hombe to ngeto ni kuonhela Txizimu kani?”

Genesisi 39:9 Referans Kwoze

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

Genesisi 42:18

Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Genesisi 20:6

Txizimu txi to mxamula ngu mloro, txi txi kha txona: “Ani na tiziva kha kwati taku, eto u ti mahile ngu mbilu ya yinene; aniko ngani ni nga maha ti to u si ni onheli, ni si kutumetisi kum'gwesa.

1 Johani 3:9

Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu.

Luka 12:48

Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Masalmo 51:4

Ni kuonhete, ngawe wekha ni nga kuonhela, ngu kumaha kubiha ku awe u ku nyenyako. Ngu mhaka yeto, u na ni fanelo ngako u txi ni lamula kambe ti lulamile ngako u txi ni abanisa.

1 Vakorinto 4:2

Se vaaveli ta laveka va txi maneka i di vo thembeka.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Jobe 31:23

Nguko txitsayiso txa Txizimu i ti ti txidhusa kwangu, se ani ni si sikoti kutsana ka wuhombe wa txona.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Levhi 6:2

Ngako m'thu wokari a txi onha, a txi wukela Mkoma, e kanganyisa ngu kwa mbi tshumeta ka mwakelani wakwe, asile a ku naso, mwendo ku mpela, mwendo ku mlambela, e ti tsimba ngutu ka mwakelani wakwe;

Mavingu 6:32

Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Titosi 2:10

si si thuki si pa, aniko, si na mahe mithumo yi yi kombako kuthembeka ka kuhetiseka, si ninga lisima, ngu mahanyelo oneyo, ka gondo ya Txizimu, Muhanyisi wathu.

Mavingu 6:29

Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.

Nehemiya 6:11

Aniko ni to khani: M'thu wo fana ni nani a nga tutuma kani? I mani a kuho wo fana ni nani, a wulelako dithepeleni e hanya kani? Ngu mamahelo eyo, kha ni na mbi wulela.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Genesisi 41:40

Awe u na va mthangeli wa nyumba yangu, ni vathu vangu votshe va na fumwa ngu milayo yako, ani ngu mhaka ya txikhunja txangu txa wukoma, ni va ni di wa hombe kwako.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Genesisi 24:2

Abrahamu a to khene ka txithumi txakwe txa kale txa ha m'tini, a txi txi nga ti fumela sotshe si a nga ti naso: “Veka dianza dako hahatshi ka dithumbi dangu,

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Genesisi 20:9

Sekoko Abhimeleki a to dhana Abrahamu, a txi ta m'gela ku khene: “U hi mahete txani kani? Njionho muni ni nga txi maha kwako, kuza u tisa mnandu wa hombe txitimwi kwangu, ni txitimwi ka mfumo wangu kani? Awe u ni mahete ati ti ku si nga ni fanelo yo mahwa.”

Genesisi 39:10

Hambiko ene a nga ti wuyelela, ku m'dhana ditshiku ni ditshiku, kambe Josefa kha nga tumela kuotela nayo.

Eksodha 20:14

U nga mahe wugango.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.