Genesisi 39:4 - Bhiblia Yo Sawuleka

⁴ Josefa a to mana kusizeka masoni ka Potifari, se e mahwa txithumi txa kuthumela ene. Potifari a mmahile mthangeli wa nyumba yakwe, ni wa sotshe si si nga ti mlumba.

Genesisi 39:4 Referans Kwoze

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mavingu 27:18

Awule a xayisako mkuwu, a na dya mihando ya wona; se awule a xayisako nyamne wakwe a na dhundeka.

Genesisi 39:8

Kambe Josefa a to lamba, a txi gela wule wamsikati wa kata nyamne wakwe, a txi khene: “Ngako ni diho hawa, nyamne wangu kha vileli txilo ka totshe ti ti mahekako m'tini hawa kwakwe, asi vekile manzani kwangu sotshe asi si mlumbako.

Genesisi 24:2

Abrahamu a to khene ka txithumi txakwe txa kale txa ha m'tini, a txi txi nga ti fumela sotshe si a nga ti naso: “Veka dianza dako hahatshi ka dithumbi dangu,

Genesisi 19:19

Txithumi txako txi mani dithomo masoni kwako, kambe u kombisile wumbilu wako wa hombe kwangu, ani txithumi txako, ngu kuhulukisa wutomi wangu. Aniko kha ni sikoti kututumela mmangoni, ni nga welwa ngu dikhombo diya, ni txi fa.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Mavingu 17:2

Txithumi txo txhariha txi na kawuka mwanana wo hundeka, se txi na abana thomba ni vanawe va mwanana.

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Genesisi 18:3

a txi khene: “Awe nyamne wangu, na ku kombela, ngako ni di mani kukateka masoni kwako, u nga pinde ngu ha m'tini ka txithumi txako, u sa nga ema.

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

1 Samuwele 16:22

Sekoko Sawule a to rumela vathu veya gela Jese ku khene: Leka Dhavhidha e zumba ni nani, nguko a mani dikato masoni kwangu.

Genesisi 33:8

Esawu a to wotisa ka Jakobe, a txi khene: “U lava kumaha txani ngu yotshe mitxhambi yi ni nga yi mana hanzila kani?” Jakobe a xamute, a txi khene: “Ani ni lava ku ni txi mana wuxinji kwako awe mkomwangu.”

Genesisi 32:5

Ni ti ya mana tihomu ni timbongola, tinvuta ni sithumi sa vavamna ni sa vavasikati. Ni rumela mhaka yiya ku ta bika kwako mkomwangu Esawu, kasiku ni txi mana wumbilu masoni kwako.”

Genesisi 15:2

Sekoko Abramu a xamute, a txi khene: “Awe Mkoma Txizimu, u na ni ninga txani kani? Nguko ni konkuwa kha ninzi kuva ni mwanana, se awu a no dya thomba yangu i Eliyezeri wa Dhamasku.”

1 Vafumeli 16:9

Se txithumi txa kona Ziniri, mthangeli wa hafu ya sikotxikani, a to m'wukela na a di Tiriza. A txi sela ni kuleva m'tini ka Arisa, mxayisi wa nyumba ya wukoma kona Tiriza.

Rute 2:6

Se dijaha dile di nga ti vekilwe kuthangela vaeluli, di to xamula di txi kha dona: Adiya ndihorana da ka Mowabhi, di nga wuya ni Nowemi ngu ditikoni ka Mowabhi.

1 Samuwele 2:26

Se mfana Samuwele a to kula a txi tsakelwa ngu Mkoma ni vathu.

Esteri 2:9

Se dihorana di woneka di ti tshurile masoni kwakwe, se a to mana dithomo masoni ka mfumeli; se e kuluveta e mninga sa ku ti tshurisela ngu sona, ni sakudya sa kona, e mninga kambe mtxhanu wa mahorana ni mambidi a txithavo a nyumbani ka mfumeli; e mrurisa ni mahorana akwe e m'yisa ka wukhalo wo tshura ngutu, wa nyumbani ka vavasikati.

Mavingu 3:4

Se u na mana kukateka ni mapimo amanene, masoni ka Txizimu ni ka vathu vavanene.