Genesisi 39:3 - Bhiblia Yo Sawuleka

³ Nyamne wakwe a to khata ku ti wona ti to Mkoma a ti ti kumweko ni Josefa, ni ti to wa mninga mathomo ka totshe ti a ti mahako.

Genesisi 39:3 Referans Kwoze

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Genesisi 30:27

Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.

Matewu 5:16

Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.

Genesisi 21:22

Se ku to maheka taku, ka yona yile mbimo, Abhimeleki ni Fikoli, mthangeli wa dibutho dakwe da yimbi, e womba-womba ni Abrahamu, a txi khene: “Txizimu txi ni nawe, ka totshe ti u ti mahako.

Genesisi 26:28

Vona va to xamula, va txi kha vona: “Ha ti wona ngu ditshuri ti to Mkoma Txizimu, a ni nawe, se hi khathu: Ta laveka ti to athu ni nawe hi txi xambanyelana, hi txi maha txitumelelano hagari kwathu.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

1 Vakorinto 16:2

Ngu ditshiku do khata ka divhiki, mmweyo ni mmweyo kwanu, m'tini kwakwe, a na phawuse e veka ngu phuho asi a nga sikota kusiyeta, kasiku mi si rinzeli kuta senga ni di bwakile.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Nehemiya 2:20

Sekoko, ni to va xamula ni txi khani: Txizimu txa nzumani, ngu txona txi no hi humelelisa; se athu sithumi sa txona, hi na khukha hi aka; kambe anu kha mi na txyavelo, hambi fanelo, ni txyalakanyiso amu Jerusalema.

1 Makronika 22:13

Sekoko u na pfala, ngako u txo xayisa sileleto ni sirumo si Mkoma, a nga leleta ka Mosi madingano ni Israyeli; tsana, uva ni mtamo, kambe u nga thave, hambi kuguma mtamo.

1 Samuwele 18:28

Se Sawule a to wona taku kha ditshuri Mkoma a ti ti ni Dhavhidha; ni ku Mikali, mwanana wa Sawule, a ti ti randa Dhavhidha.

Genesisi 39:23

Mxayisi wa mkora a ti si karateki ngu txilo, totshe ti ti manzani ka Josefa, nguko Mkoma a ti ti kumweko nayo, a txi katekisa mithumo yotshe yile a nga ti yi maha.

Genesisi 30:30

Nguko asi sa sidotho u nga ti naso ni sinzi kuta, si engetetwe ngutu; ni Txizimu txi kukatekisile ngu mhaka yangu. Se konkuwa, ngu yihi mbimo ni no khata ngu yona kuthumela mwaya wangu kani?”

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Genesisi 21:20

Txizimu txi ti kumweko ni mfana wule, ene a to kula a txi aka txiwulani, ahawa a nga ziva kufula ngu wulaho.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

2 Vafumeli 18:7

Ngu konaho, Mkoma a ti ti ni nene, ni hayi ha a nga txi maneka kona, a txi tsimbila ngu kutiwonela; a to lwisa mfumeli wa Asiriya kha mthumela.

Genesisi 21:23

Konkuwa, xambanya ngu Txizimu kwangu kona hawa, ti to khu na mbi womba makuhu, hambi ni mwanana wangu, mwendo mtukulu wangu; aniko u na thembeka kwangu ni ka dona ditiko diya u ku muwuyi ka dona, nga kule nani ni nga wona kuthembeka kwako.”

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

1 Samuwele 3:19

Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.

1 Makronika 9:20

Se Finiyasi, mwana Eleyazari, i ti ti mthangeli hagari kwawe, wule Mkoma a nga ti ni nene.

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.