Genesisi 39:21 - Bhiblia Yo Sawuleka

²¹ Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Genesisi 39:21 Referans Kwoze

Eksodha 3:21

Ni na maha ti to vathu vava ve mana kateko masoni ka Vaegipta; ngako mi txi huma, kha mi na mbi tsula mi si nga ni txilo.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

1 Pedro 3:17

Ti ni lisima ngutu kuxaniseka ngu kumaha ti i ku ta tinene, na eto i di kuranda ka Txizimu, kupinda kuxaniseka ngu kumaha tile i ku to biha.

Dhaniyeli 1:9

Txizimu txi to maha ti to Dhaniyeli e mana dithomo ni wumbilu masoni ka mthangeli wa mithenwa.

Eksodha 12:36

Mkoma a mahile ti to vathu vakwe ve mana mathomo masoni ka Vaegipta, aha ko Vaegipta va ti ti va ninga si va nga ti si kombela: Ngu mhaka yeto, va ka Israyeli va handile ka Vaegipta so tala nga ti va nga kombelisa tona.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Masalmo 105:19

kala kuza ti maheka atiya Josefa a nga ti ti wombile, se dipswi da Mkoma di kombisile ti to Josefa a womba ditshuri.

Eksodha 11:3

Mkoma a mahile ti to vathu vakwe va txi mana makatekwa, ditikoni ka Vaegipta, masoni ka mahalamu a Faro ni masoni ka vathu votshe.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Genesisi 21:22

Se ku to maheka taku, ka yona yile mbimo, Abhimeleki ni Fikoli, mthangeli wa dibutho dakwe da yimbi, e womba-womba ni Abrahamu, a txi khene: “Txizimu txi ni nawe, ka totshe ti u ti mahako.

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Genesisi 40:3

A to rumela ti to veya khotelwa amu nyumbani ka vawoneleti, mkorani mule Josefa a nga ti khotetwe kona.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

Masalmo 105:22

a txi va ni mtamo wo gondisa tinduna ta mfumeli ni kugondisa wuzivi ka madhota.

Genesisi 39:3

Nyamne wakwe a to khata ku ti wona ti to Mkoma a ti ti kumweko ni Josefa, ni ti to wa mninga mathomo ka totshe ti a ti mahako.

Genesisi 39:4

Josefa a to mana kusizeka masoni ka Potifari, se e mahwa txithumi txa kuthumela ene. Potifari a mmahile mthangeli wa nyumba yakwe, ni wa sotshe si si nga ti mlumba.