Genesisi 39:2 - Bhiblia Yo Sawuleka

² Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Genesisi 39:2 Referans Kwoze

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Genesisi 26:28

Vona va to xamula, va txi kha vona: “Ha ti wona ngu ditshuri ti to Mkoma Txizimu, a ni nawe, se hi khathu: Ta laveka ti to athu ni nawe hi txi xambanyelana, hi txi maha txitumelelano hagari kwathu.

Genesisi 21:22

Se ku to maheka taku, ka yona yile mbimo, Abhimeleki ni Fikoli, mthangeli wa dibutho dakwe da yimbi, e womba-womba ni Abrahamu, a txi khene: “Txizimu txi ni nawe, ka totshe ti u ti mahako.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

1 Samuwele 16:18

Sekoko mmweyo ka majaha a to xamula a txi khene: Wona taku na tolovela kuwona mmweyo ka vanana va Jese, wa Bhetlehema, a zivako kuveta, kambe i ndena, wo tshambisela, m'thu wo ziva kulwa, wa mapswi o pfala, wa txiemo txa txinene; Mkoma a ni nene.

1 Samuwele 3:19

Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.

1 Samuwele 18:28

Se Sawule a to wona taku kha ditshuri Mkoma a ti ti ni Dhavhidha; ni ku Mikali, mwanana wa Sawule, a ti ti randa Dhavhidha.

1 Timoti 6:1

Votshe va va ku hahatshi ka dikange da wukhumbi va na wone vanyamne vawe nga vathu va va fanelako kuvekelwa txithavo, kasiku ditina da Txizimu ni gondo ya txona si si solwi.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Mithumo 8:31

Aniko ene a to khene: “Ni nga ti pfisisa kutxani, ngako ni si na mtxhamuseli kani?” Se a to kombela Filipi ku e kwela a ta khalahatsha kumweko nayo.

Genesisi 21:20

Txizimu txi ti kumweko ni mfana wule, ene a to kula a txi aka txiwulani, ahawa a nga ziva kufula ngu wulaho.

Genesisi 39:3

Nyamne wakwe a to khata ku ti wona ti to Mkoma a ti ti kumweko ni Josefa, ni ti to wa mninga mathomo ka totshe ti a ti mahako.

Genesisi 39:23

Mxayisi wa mkora a ti si karateki ngu txilo, totshe ti ti manzani ka Josefa, nguko Mkoma a ti ti kumweko nayo, a txi katekisa mithumo yotshe yile a nga ti yi maha.

Joxuwa 6:27

Mkoma a ti ti kumweko ni Joxuwa; se nduma yakwe yi ti ti hangalaka ka dotshe ditiko.

2 Vafumeli 18:7

Ngu konaho, Mkoma a ti ti ni nene, ni hayi ha a nga txi maneka kona, a txi tsimbila ngu kutiwonela; a to lwisa mfumeli wa Asiriya kha mthumela.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

1 Makronika 9:20

Se Finiyasi, mwana Eleyazari, i ti ti mthangeli hagari kwawe, wule Mkoma a nga ti ni nene.

2 Makronika 1:1

Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.