Genesisi 39:14 - Bhiblia Yo Sawuleka

¹⁴ e dhana vathu va ha m'tini kwakwe a txi va gela tiya: “Wonani! Potifari a hi wuyisete Muhebheru wuwa, se wa maha tawalo. Ene a tile kwangu e lava kuotela ni nani, aniko ni pekile huwa ya hombe,

Genesisi 39:14 Referans Kwoze

1 Pedro 2:20

I hakhelo muni mi fanelako ku yi mana kutimiselani kwanu, ngako mi txi tsayiswa ngu sionho si mi nga si maha, kani? Aniko, ngako mi txi mana sixaniso ngu kumaha wunene, kutimisela kwanu ka tsakisa Txizimu.

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Matewu 26:59

Vaphaxeli va hombe ni dotshe dibanza va to lava wufakazi wa makuhu ha mmidi ka Jesu, kasiku e mana kudawa.

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Mavingu 10:18

Awule a sisako livengo wa hemba ngu txisofu, ni wule a lumbetako njiphukuphuku.

Masalmo 120:3

U na wuyelwa ngu txani, u na mana txhatxhazelo muni awe lidimi la makuhu ni lo kanganyisa kani?

Masalmo 55:3

Ngu kuengisa diguwa da valala, ni kuxaniswa ngu vaonhi. Vona va ni vangela dikhombo kambe vona va ni xanisa ngu txiviti.

Masalmo 35:11

Tifakazi ta makuhu ti ni wukete, ti ni wotisile ngu timhaka ti ani ni nga mbi ti maha.

Genesisi 40:15

nguko, ni to pfhukulwa ditikoni ka Vahebheru; hambi ni kona hawa kha na maha txilo txo biha, txa kuza ni ta wuletwa diphalani muwa.”

Genesisi 39:17

Sekoko a to m'geletela ona mapswi ale, a txi khene: “Txithumi txiya txa Muhebheru u nga ni wuyisela hawa ha m'tini, txi tile kwangu, txi ta ni ruketela.

Genesisi 39:7

Msana ka totshe tiya, msikati wa Potifari, nyamne wakwe, a to khata kuwonetela Josefa ngu ku mnavela, e m'gela tiya: “Otela ni nani!”

Genesisi 14:13

Sekoko mmweyo wa vale va nga huluka, a to ya zivisa Abramu, Muhebheru; Muamori a nga ti akile mikusuni ka Mambre, dixaka da Esikole ni Aneri vona va ti ti pfana ni Abramu.

Genesisi 10:21

Se ngu ka Semi, ku to velekwa vanana, ngene tate wa votshe Vahebheru, kambe ene mkomwa Jafete.

2 Vakorinto 6:8

amu kudhundwani ni mu kunyenywani, ka nduma ya yinene ni ka nduma yo biha, hi wonwa hi di vakanganyisi, kasi hi va ditshuri.

Ezekhiyele 22:5

Matiko a hafuhi ni nawe ni a kule ma na kuseka, ma txi kutxhipisa, u talelwa ngu tingana.

Genesisi 39:13

A di woni ti to Josefa a lekile dibhaji dakwe manzani kwakwe, a to thava,

Genesisi 39:15

se ngako a di ni engisile ni txi peka huwa, a to siya dibhaji diya dakwe manzani kwangu a txi huma, e thava ngu kututuma.”