Genesisi 38:26 - Bhiblia Yo Sawuleka

²⁶ Judha asi woni simaha sile, e si ziva, a txi khene: “Ene a lulamile kupinda ani, nguko kha na mningela ka mwanana wangu Xela.” Kukhukhela konako kha nga va a di otete nayo kambe.

Genesisi 38:26 Referans Kwoze

1 Samuwele 24:17

Se a to khene ka Dhavhidha: Awe u lulamile ngutu kupinda ani; nguko awe wu ni tshumetete ngu wunene, kambe ani ni ku tshumetete ngu wubihi.

Johani 8:9

Konaho, va di engisile mhaka yiya, va to khata kupfhuka, mmweyo ngu mmweyo, kukhata ngu vale va hombe. Se a to sala ekha awule wamsikati, a nga ti zumbile hagari.

Varoma 13:12

Wusiku wu pindile, kutxa ka tshuketela. He lekeni mithumo ya txidema, he xomeni matxhari a liwoningo.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Matewu 3:8

Humisani mihando yi yi dinganako kuhunduluka kwanu;

Habhakuki 1:13

Awe u ni maso amanene, ma si dinganiko kuwona to biha, kambe khu tumeli ni kuwona tingana; ngu kutxani koko, u wonako vale va mahako ta walo, u malala, ngako m'bihi a txi mita wule wo lulama kupinda ene kani?

Ezekhiyele 16:52

Awe koko, u xaniswa ngu tingana tako, u nga basisile vananau ngu sionho sako, u nga mahetela manyala ngutu kupinda vona; vona va lulamile ngutu kupinda awe; wa ti wisa tingana koko, u xaniswa ngu tingana tako, ngu kumaha keto u basisile vananu.

Jobe 40:5

Ni wombile kumweko, kha ni na mbi xamula kambe; mwendo kambe kumbidi, kha ni na mbi ya masoni.

Jobe 4:5

Sekoko kata kwako kukarala; ku txi ta kugwesa, ka kuxanisa.

2 Samuwele 24:17

Se ngako Dhavhidha a di woni Ngelozi yile yi nga ti dayela vathu, a to womba ka Mkoma a txi khene: Wona ta ku, ngani ni nga onha, kambe ngani ni nga maha to biha; kambe tinvuta tiya ti onhile txani kani? Ngu kumaha keto, dianza dako di na wele txitimwi kwangu ni txitimwi ka nyumba ya tate wangu.

2 Samuwele 20:3

Mbimo yile koko, Dhavhidha a nga wuya nyumbani kwakwe, kona Jerusalema, a to teka digumi da vasikati vakwe vavadotho, vale a nga ti va site ve xayisa nyumba, e va veka ka nyumba kuva vawoneleli, a txi va dyisa; aniko kha wulela kwawe, kambe a to va vhalela kala ditshiku da kufa kwakwe, ve hanya kufana ni tinoni.

2 Samuwele 16:22

Sekoko va to gwimba ditenda txitimwi ka nyumba, se Abhisalome a to ya wulela ka vasikati va tate wakwe masoni ka votshe va ka Israyeli.

Genesisi 38:14

Sekoko a to thavisa syambalo sa mkhwasi, a txi ambala so hehuka, e ti fenengeta, a txi ya khalahatsha ha txikeni ka didhoropa da Enayime, di ku nzilani ka kuya Timina. Nguko a woni taku, Xela se a kute, aniko kha nzi kuningelwa kasiku e tekwa ngu ngene.

Genesisi 37:33

Ene a di di woni a ti khene: “Ngu dona dibhaji da mwanana wangu! Txihari txokari txa txitinga txi m'date txi txi m'dya! Josefa mwanana wangu a bhandisetwe!”

Genesisi 4:1

Se wamwamna a to ziva Evha, msikati wakwe. Ene a to mana txirumbu e veleka Kayini; sekoko a to khene: “Ni mani mwanana wa mfana, ngu kuvhuna ka Mkoma.”

1 Samuwele 24:18

Nyamsi awe wu ni kombile wumbilu wu wu ku nawo ni nani; nguko Mkoma a ti ni ningete manzani kwako, kambe awe khu ya ni daya.