Genesisi 38:25 - Bhiblia Yo Sawuleka

²⁵ Va di mñote, Tamari a to rumela ati to veya womba ka masale wakwe atiya: “Kha ditshuri ni ni txirumbu, kambe ni txi mani ni nyamne wa simaha siya. Si wonisiseni, si lumba mani, txitambu txiya, ni phera yiya, liketani liya ni ndonga yiya kani?”

Genesisi 38:25 Referans Kwoze

Genesisi 38:18

Sekoko ene a to muwotisa, a txi khene: “Njixambanyo muni ni no kuninga, kani?” Tamari a to khene: “Ni ninge ringi yako, liketani lako, ni ndonga eyo u ku nayo manzani kwako.” Ene a to mninga soneso, se a txi ya otela nayo; Tamari a to mana txirumbu.

Genesisi 37:32

va txi rumela dibhaji dile do lapha ka tate wakwe, kumweko ni mapswi awa: “Hi nga wona dibhaji diya, hi ngadi mana. Ina hi nga dona dibhaji da mwanako kani?”

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Jeremiya 2:26

Kufana ni dikhamba di di manwi di ni tingana, ngu toneto ni nyumba ya ka Israyeli yi ni tingana, kumweko ni vafumeli ni vathangeli va yona, vaphaxeli va yona ni vaprofeti va yona.

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

Varoma 2:16

Ngu tona tiya ti nota humelela ngu ditshiku diya Txizimu txi nota lamula, ngu Jesu Kristu, sikungo sa vathu nga kuwomba ka Evhangeli yi ni yi txhumayelako.