Genesisi 38:24 - Bhiblia Yo Sawuleka

²⁴ Ngu msana ka mitxima yiraru, Judha a to ya gelwa ngu vathu va txi kha vona: “Tamari maane wako, ana ni txirumbu, a nga maha wugelegele, e txi mana ka wona wugelegelewo.” Sekoko Judha a to khene: “M'humiseni hahanze, kasiku e hiswa!”

Genesisi 38:24 Referans Kwoze

Levhi 21:9

Ngako mwanana wa dihorana wa mphaxeli a txi ti nyenyezisa ngu kumaha wungango, a thela tingana tate wakwe, a fanete kuhiswa ha mndiloni.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Ezekhiyele 23:44

Se va to randana nayo, kufana ni loku va txi randana ni digelegele; ngu kumaha keto, va to randana ni Ohola ni Oholibha, i ku vavasikati va nduma yo biha.

Ezekhiyele 23:19

Ene koko a to andisa wugelegele wakwe, a txi alakanya masiku a wuhorana wakwe, mbimo yile a nga ti ti maha wugango, ditikoni ka Egipta.

Ezekhiyele 23:5

Se Ohola, na kuve mbwangu; kambe a randanile ni sigango sakwe sa Vasiriya, i ku vaakelani vakwe.

Valamuli 19:2

Aniko awule wa txikaba a to maha wugango, se a txi thava, e tshumelela m'tini ka tate wakwe, kona Bhetlehema ka Judha, eyo a nga ya zumba kona masiku okari, a kudingana mune wa mitxima.

Varoma 14:22

Atxiya u kholwako ngu txona, zumba natxo masoni ka Txizimu. A katekile m'thu wu asi ti ningiko mnandu ka silo si asi wonako ti to si lulamile.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Hoseya 3:3

se ni txi khani kwakwe: Awe u na zumba ni nani masiku o tala; khu na mbi geleza, kambe khu na mbi lumba mmwani wamwamna; ngu kumaha keto, ani nani ni la kuva toneto kwako.

Ezekhiyele 16:41

Se va na hisa tinyumba tako ngu mndilo, ve lamula ngu kuweketa, masoni ka vavasikati votala; kambe ni na wilisa wugelegele wako, khu na mbi ngadi u hakela txilo.

Ezekhiyele 16:28

Kambe u mahile wugelegele ni vanana va majaha a Asiriya, nguko u ti si khuri; hambiko u nga maha navo wugelegele khwa kolwa;

Ezekhiyele 16:15

Aniko u thembile kutshura kwako, ni kuxengwa ngu nduma yako, se u txi maha wugango ni votshe vale va nga ti ti pinda, u txi va lumba.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Jeremiya 3:6

Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Jeremiya 2:20

Nguko ngale ni di funyile dikange dako, ni bhenula tingoti tako, u nje khawe: Na mbiswa ni txi thuma, nguko u sisate ka yotshe mimango yo guleka, ni hahatshi ka yotshe mindonga yo nyuka, u maha wugango.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

2 Samuwele 12:7

Sekoko Nathani a to khene ka Dhavhidha: Wamwamna wa kona ngawe! Mkoma Txizimu txa Israyeli a khene: Ani ni ku totile kuva mfumeli txitimwi ka Israyeli, kambe ni ku hulukisile manzani ka Sawule;

2 Samuwele 12:5

Sekoko kuhenya ka Dhavhidha ku to vhutuka ngutu kuwukela wamwamna wule, se a txi khene ka Nathani: Ni xambanya ngu Mkoma a hanyako, m'thu wu a nga maha eto a fanela kufa.

Dhewuteronome 24:16

Vaveleki kha va na kudawa ngu mhaka ya vanana, ni vanana kha va na kudawa ngu mhaka ya vaveleki. M'thu ni m'thu a na dawa ngu mhaka ya txionho txakwe ene nyamne.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Genesisi 34:31

Vona va to womba, va txi kha vona: “Ina ndinene kutekwa ndiyathu e mahwa digelegele kani?”

Genesisi 20:9

Sekoko Abhimeleki a to dhana Abrahamu, a txi ta m'gela ku khene: “U hi mahete txani kani? Njionho muni ni nga txi maha kwako, kuza u tisa mnandu wa hombe txitimwi kwangu, ni txitimwi ka mfumo wangu kani? Awe u ni mahete ati ti ku si nga ni fanelo yo mahwa.”

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 38:23

Sekoko Judha a ti khene: “A na zumba ni simaheso sangu a ku naso, e si xayisa; e thuka e hi thela tingana, nguko ani ni rumete phongo, aniko awe khwa nga ya mmana.”

Ezekhiyele 16:25

Ka otshe mahandakanya u akile makhalo o guleka, u nyenyezisile kutshura kwako, u randanile ni votshe vapindi va nzila; kambe u andisile wugelegele wako.

Ezekhiyele 16:26

Kambe u mahile wugelegele ni vanana va Egipta, vaakelani vako vale i ku siro sa hombe, u mahile wugelegele wako kasi ku ni wusela kuhenya.