Genesisi 38:16 - Bhiblia Yo Sawuleka

¹⁶ A to ya hafuhi kwakwe eya khene: “Ngono ni ta wulela kwako, na ku kombela.” Nguko a ti si ti zivi ti to ngene maane wakwe. Aniko Tamari a ti khene: “Ngako u txi otela ni nani, u na ni ninga txani, kani?”

Genesisi 38:16 Referans Kwoze

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

2 Samuwele 13:11

Se mbimo yile a nga ti ti mninga sakudya, a to mñola, a txi khene kwakwe: Ngono ndiyangu, u ta otela ni nani!

Ezekhiyele 16:33

Otshe mabhoyi ma hakelwa, aniko awe u ninga somaha ka sotshe sigango sako; kambe u mahela ti to va nate ngu ka otshe madhawa, ngu wugelegele wako.

Dhewuteronome 23:18

U nga tise hakhelo ya wugango, mwendo mtengo wo dihelwa yimbwa, Nyumbani ka Mkoma, Txizimu txako, ngu kuxambanya kokari; nguko ngu wumbidi wa sona, nzinyenyeko ka Mkoma, Txizimu txako.

Genesisi 38:15

Judha ngako a di mu woni a to pimisa ati to digelegele, ngukuwa ene a nga ti ti fenengetile khohe.

Genesisi 38:17

Ene a to xamula, a txi khene: “Ni na ku rumela phongo ya ha mtxhambini kwangu.” Tamari a to khene: “Ni ninge txo thembisa ngu txona taku u na ni rumela phongo!”