Genesisi 38:10 - Bhiblia Yo Sawuleka

¹⁰ Mhaka yiya a nga txi yi maha, yi to henyisa Mkoma Txizimu, txi maha ti to nene efa.

Genesisi 38:10 Referans Kwoze

Genesisi 46:12

Vanana va Judha: Eri, Onani, Sela, Perezi, ni Zera, aniko Eri ni Onani va fete ditikoni ka Kanana ni vanana va Perezi, Hezironi ni Hamuli.

Mitengo 26:19

Ka liveleko la Judha i Heri ni Onani, va tiya fela Kanana.

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Hagayi 1:13

Sekoko Hagayi txirumwa txa Mkoma, a to womba-womba ka vathu, mandingano ni mhaka ya Mkoma, a txi khene: Ani ni na ni nanu, kuwomba Mkoma.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Mavingu 24:18

kasiku Mkoma asi ti woni eto, e maneka a ti bihile masoni kwako, se e vayilelisa kuhenya kwakwe masoni ka m'thu wule.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

1 Makronika 21:7

Se yotshe mhaka yiya yi to maneka yi di bihile masoni ka Txizimu, ngu kumaha keto, txi to dayela va ka Israyeli.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Mitengo 22:34

Sekoko Bhalahamu a to khene ka Ngelozi ya Mkoma: “Ni onhile, nguko ni ya tiziva ti to awe u emile masoni kwangu ngu hanzila. Se konkuwa, ngako ti si tsakisi masoni kwako, ni na tshumela ni tsula mwani.”

1 Samuwele 2:25

Ngako m'thu a txi onhela mmwani m'thu, valamuli va na mlamula; aniko ngako m'thu a txi onhela Mkoma, i mani a no mkombelela kani? Hambi keto, kha va engisa dipswi da tate wawe, nguko Mkoma a ti ti lava ku vadaya.

1 Vafumeli 17:20

Se a to khongela ka Mkoma a txi khene: Awe Mkoma, Txizimu txangu, u xanisela txani noni yiya ni zumbwako nayo, ngu kudaya mwanana wa yona kani?

1 Makronika 2:3

Vanana va Judha ngu vava: Eri, ni Onani, ni Sela; ava va vararu va velekilwe ngu mwanana wa dihorana da Suwa, da mkanana; se Eri matiwula a Judha, a ti bihile masoni ka Mkoma; ngu kumaha keto, Mkoma a to m'daya.