Genesisi 37:9 - Bhiblia Yo Sawuleka

⁹ Ene a to lora wumwani mloro, awu a nga wu xawutela ka vanawe, a txi khene: “Ni lorile wumwani mloro: Ni woni ditambo, mtxima ni digumi da tinyeleti ni yimweyo, na si txi ni khizamela.”

Genesisi 37:9 Referans Kwoze

Genesisi 37:7

Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;

Dhaniyeli 8:10

Se litxheho li to kula kala ku li txi hoka ka mabutho a nzumani; se mabutho okari, ni a tinyeleti, li to ma wisa hahatshi, li txi ma kandetela.

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.

Genesisi 46:29

Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe.

Genesisi 45:9

Tsulani ngu kukuluveta m'tini ka tate wangu mi txi ya m'gela ku khanu: Josefa mwanako a khene: “Txizimu txi ni mahile mfumeli wa ditiko dotshe da Egipta. Ngono kheno kwangu, u nga swele!”

Genesisi 44:19

Mbimo yi nyamne wangu a nga hi wotisa athu sithumi sakwe, a txi khene: “Ina mi ngadi ni tate mwendo mi na ni mnanda kani?”

Genesisi 44:14

Mbimo yi Judha ni vananda vakwe va nga wulela nyumbani ka Josefa, amu va nga ya mmana a sinzi kuhuma, vona va to khizama hahatshi masoni kwakwe.

Genesisi 43:28

Vona va to xamula va txi kha vona: “Txithumi txako, ene tate wathu, a ngadi ho, ene a ngadi a txi hanya.” Se vona va to nama, va txi mkhizamela.

Genesisi 41:32

Ngako mloro wuwa wa Faro wu nga woneka sikhati simbidi, tikomba ti to mhakeyo yi tsanisilwe ta tinene ngu Txizimu, kambe Txizimu txi na kuluvetela ku ti maha eto.

Genesisi 41:25

Sekoko Josefa a to khene ka Faro: “Mloro wa Faro mbumwewo dwe; ati Txizimu txi no maha, ngu tile txi nga gela Faro.”

Genesisi 37:10

Ene a to xawutela toneto ka tate wakwe ni ka vakomwakwe, aniko tate wakwe a to mkawuka, a txi khene: “Mloro wa txani wonewo u nga va nawo kani? Ti komba ti to ani, ni mame wako ni vakomwako, hi na khizama hahatshi masoni kwako, kani?”

Genesisi 37:8

Sekoko vanawe va to kha vona kwakwe: “Ti komba ti to awe u na fuma txitimwi kwathu kani? Niku awe u na hi thangela nga m'thu wa hombe kani? Ngu kumaha yeto, va to m'vengela ngutu, ngu mhaka ya miloro yakwe, ni mapswi akwe.”

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.