Genesisi 37:5 - Bhiblia Yo Sawuleka

⁵ Sekoko, dimwani da masiku, Josefa a to lora ni wusiku, se ngu msana a to txhamusela mloro wuwa ka vanawe; ngu mhaka yeto, livengo lawe li to kula ngutu.

Genesisi 37:5 Referans Kwoze

Genesisi 28:12

Se a to lora a txi wona dinera di nga emiswa ha mafuni, di txi ya khigetela nzumani, ngu tshokani ka dona, se tingelozi ta Txizimu ti txi kwela ni kutxhika ngu dona.

Johani 17:14

Ni va ningile dipswi dako, se ditiko da va vengela, nguko hi nga va dona ditiko, nga ani ni ku si nga wa ditiko.

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Genesisi 42:9

Sekoko Josefa a to alakanya miloro yi a nga lora ngu didhawa dawe, se e va gela ku khene: “Anu mi sinyengwani! Mi tela ku ta xola mi wona wufenze wa ditiko.”

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Genesisi 37:4

Vanawe ngako va txi wona ti to tate wawe a randa ngutu Josefa, kupinda votshe vamwani vanawe, va to khata ku m'vengela ngutu, va si lavi ni kuwombawomba nayo ngu kuthutha.

1 Vafumeli 3:5

Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Dhaniyeli 2:1

Ka dilembe da wumbidi da kufuma ka Nebhukodhonosori, Nebhukodhonosori a to lora miloro yokari, se moya wakwe wu to karateka, kuza kuhangalaka ni wukohe wakwe.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Genesisi 49:23

Vafuli va mpfisile kupanda, ngu ku mfuletela ngu tingove, ngu ku m'venga kwawe.

Genesisi 41:1

Se msana ka malembe mambidi, Faro a to lora mloro, e lora a di emile mabambe ka mnambo wa Nilo.

Genesisi 40:5

Sekoko, ka wusiku wawumwewo, mtheleli wa so sela, ni m'bhiki wa mapawu a mfumeli wa Egipta, avale va nga ti seketwe mkorani, mmweyo ni mmweyo wawe a to lora mloro wakwe, wu ku ni txhamuselo ya wona yo hambana.

Genesisi 37:8

Sekoko vanawe va to kha vona kwakwe: “Ti komba ti to awe u na fuma txitimwi kwathu kani? Niku awe u na hi thangela nga m'thu wa hombe kani? Ngu kumaha yeto, va to m'vengela ngutu, ngu mhaka ya miloro yakwe, ni mapswi akwe.”

Genesisi 31:10

Ditshiku dokari, da mbimo yi sihari si landelanako, ni lorile, ni txi gula maso, ni wona ti to vamatune va va nga ti landela mikati i ti va misesasesa, ni va matshakatshaka ni va mavalavati.

Genesisi 31:11

Ngelozi ya Txizimu yi ni gete ngu mloro yi txi kha yona: “Jakobe!” Se ani ni xamute ni txi khani: “Ni ho hawa!”

Genesisi 37:6

Ene a va gete, a txi khene: “Engisani timhaka ta mloro wu ni nga va nawo:

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”