Genesisi 37:34 - Bhiblia Yo Sawuleka

³⁴ Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Genesisi 37:34 Referans Kwoze

Genesisi 37:29

Ngako Rubheni a di wuyile koko, e ta solela mu diphalani, e wona ti to Josefa kha nga ho mu diphalani; a to vharula syambalo sakwe;

2 Samuwele 3:31

A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Mithumo 14:14

Ngako Vapostoli Bharnabhasi ni Paulo va di zivisilwe toneto, va to vharula tinguwo tawe ve ti rinza hagari ka vathu, ve kwangula, va txi kha vona:

Matewu 26:65

Sekoko mphaxeli wa hombe a to vharula syambalo sakwe, a txi khene: “A rukile Txizimu! Hi ngadi hi txi lava wufakazi wa txani kani? Mi mu engisile konkuwa, a txi ruka Txizimu.”

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Isaya 36:22

Sekoko Eliyakimu, mwana Hilikiya, mxayisi wa nyumba ya wukoma, ni Sebhina, mabhalani, ni Jowa, mwana Asafe, didhota da kona, va to ta ka Ezekhiya, ni syambalo so vharukela, ve ta m'geletela mapswi a Rabhisake.

Isaya 32:11

Dhudhumelani, anu vavasikati vo zumbiseka, kambe karatekani anu mi ti thembako ngutu; thavisani syambalo sanu, mi sala mi di simbwiri, se mi ambala masaka siwununi kwanu.

Masalmo 69:11

hambi ni txi ambala mkhwasi vona va ni tseketsela.

Jobe 2:12

Va di guletile maso ngu kule ve mtimelela, va to kwangula ngu mapswi o dila; se ve vharulela syambalo sawe, va to ti xwayela dikhuma ha msungo.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

2 Vafumeli 19:1

Se mbimo yile Ezekhiya a nga ti mu engisete, a to vharulela syambalo sakwe, e ti fenengeta ngu disaka, se e wulela Nyumbani ka Mkoma.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

1 Vafumeli 20:31

Sekoko sithumi sakwe si to kha sona: Hi khala ku tipfa taku vafumeli va nyumba ya ka Israyeli mba wumbilu; a hi ambaleni masaka siwununi ni tingoti tithamoni, hi huma hi tsula ka mfumeli wa ka Israyeli; ti nga nda maheka to e hulukisa wutomi wako.

2 Samuwele 1:11

Sekoko Dhavhidha a to ñola syambalo sakwe e vharula, kumweko ni votshe vavamna vale a nga ti ti navo.

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Genesisi 42:38

Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”

Genesisi 44:13

Sekoko va to vharula syambalo sawe, va txi komba kupandiseka kwawe, va txi sanzeka kambe masaka ha timbongolani kwawe, va txi tshumelela didhoropani.

2 Vafumeli 2:12

Mbimo yile Elixa a nga muwona, a to kwangula a txi khene: Nzikotxikani sa mndilo ni vagadhi va mahantxhi! Se khaswa a di mwoni kambe. A to juwela ka syambalo sa kona, a txi si bhanda ngu madhawa mambidi.

2 Vafumeli 22:11

Ku to maheka koko taku, mbimo yile mfumeli a nga pfa mapswi a dibhuku da Mlayo, e vharula syambalo sakwe.

1 Makronika 7:22

Ngu kumaha keto Efrayime, tate wawe, a to va dila mndani ka masiku o tala; se vanawe va tota, kasi ku ta mthavelela.

Jobe 16:15

Rungani mkhwasi aha ka nyama yangu, se mi rindilita msungo wangu lithuluni.

Jeremiya 48:37

Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Valamuli 11:35

A hale Jefta a nga mu wona, a to vharula syambalo sakwe na a txi dila, a txi khene: “Yowe! Mwanangu! U ni thete wusiwana kuhanyani kwangu ko pandiseka! Awe u hagari ka vale va ni xanisako. Nguko ni mahile txi thembiso ka Mkoma, kha ni sikotiko kutshumelela msana!”