Genesisi 37:27 - Bhiblia Yo Sawuleka

²⁷ Ngonani, a hi mxaviseni ka va ka Ismayeli, hi nga nyeteni manza athu; ene mnanda wathu, wa nyama yimweyo ni mnoha wumwewo ni nathu.” Se vanawe va to mu engisa.

Genesisi 37:27 Referans Kwoze

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Genesisi 42:21

Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”

1 Samuwele 18:17

Se Sawule a to khene ka Dhavhidha: Wona taku ni na kuninga Merabhe, mwanana wangu wa hombe, kuva msikati wako; tikombe kuva mwanana wa wu ndena dwe, ulwa tiyimbi ta Mkoma (Nguko Sawule a ti ti khene: Dianza dangu di nga mwukele, kambe a na dawe ngu dianza da Vafilista).

Mtuletelo 18:13

kinamoni, i ku mafura o bhumula, mira ni dibaselo, vhinya ni mtona, mpupu wa mafaka ni fulaho, tihomu ni tinvuta, mahantxhi ni sikotxikani, tikhumbi ni mimoya ya vathu.

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

2 Samuwele 12:9

Ngu kutxani koko, u nga eyisa dipswi da Mkoma ngu kumaha to biha masoni kwakwe kani? U date Uriya, Muheti ngu ditxhari, u tshumela u teka msikati wakwe wu mmaha wako; kambe u mdate ngu ditxhari da vanana va ka Amoni.

Eksodha 21:21

kambe ngako txi txi hanya amu ka ditshiku dimwedo mwendo masiku mambidi, kha na mbi tsayiswa, nguko i male yakwe.

Eksodha 21:16

Awule a pako m'thu a txi mxavisa, mwendo e ta manwa nayo manzani kwakwe, a na dawa.

Genesisi 37:22

Rubheni a to engeta, a txi khene: “Hi nga theketeni mnoha wakwe! Mrinzeni ka diphala da mu txiwulani, aniko mi nga mpfinyeni ngu manza anu! Ene a ti ko zama ku m'hulukisa manzani kwawe, kasiku e mtshumeta a txi m'yisa ka tate wakwe.”

Genesisi 29:14

Sekoko Labhani a to khene kwakwe: “Kunene awe ni nani hi dirambu dimwedo ni nyama yimweyo.” Se Jakobe a to zumba nayo, mtxima wumwewo wotshe.

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Nehemiya 5:5

Konkuwa koko, nyama yathu yi fana ni nyama ya vanathu, ni vanana vathu va fana ni vanana vawe; se wonani ti to hi tekile vanana vathu va mazambi ni vanana vathu vamahorana hi va maha tikhumbi, hambi vamwani va vanana vathu vamahorana va tekilwe ve yiswa wukhumbini, kha ku na txi hi nga txi mahako, nguko tithembwe tathu ni mivhinya yathu si manzani ka vamwani.