Genesisi 37:26 - Bhiblia Yo Sawuleka

²⁶ Sekoko Judha a to womba ka vanawe, a txi khene: “Ti vhuna txani kudaya mnanda wathu, hi txi sisa mnoha wakwe, kani?

Genesisi 37:26 Referans Kwoze

Genesisi 37:20

Ngonani hi ta m'daya hi txi mrinza amu ka diphala dokari, hi na ya womba ti to txihari txokari txa txitinga txi m'date, txi txi m'dya. Hi lava kuwona ti to miloro yakwe yi na thuma txani!”

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

Varoma 6:21

Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Ezekhiyele 24:7

Nguko mnoha wa kona wu hagari ka dona; wu nga thelwa txitimwi ka dirigwi, kha wa thekela hahatshi, kasi ku wu si kuletelwi ngu mafu;

Jeremiya 41:8

Aniko hagari kwawe ku to maneka digumi da vavamna va nga kha vona: Mi nga hi dayeni, hi ni tithomba hi nga sisa hahanze, fulaho ni sevhadha, mafura ni wulombe. Ngu kota ya toneto, a to va leka, kha va daya nga ti a nga maha ka maxaka awe.

Masalmo 30:9

Dibhindu muni di no maneka ngu kufa kwangu, ni kurelela kwangu diphalani ka vafi kani? Ina lithulu li nga kudhumisa kani? Mwendo li nga womba-womba ngu ditshuri kani?

Jobe 16:18

O! Mafu, u nga kuletele mnoha wangu; kambe ku nga maneke wukhalo wa kudila kwangu!

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

Dhewuteronome 17:8

“Ngako ku txi humelela mhaka yo karata ku yi lamula awe, timhaka to daya, mwendo to bangelana, ni timhaka to dayisana, mwendo to wusa kuhenyisana sikwenini kwako, u na khukha u txi ya ka wukhalo wule Mkoma, Txizimu txako, a no wu sawula,

Genesisi 25:32

Se Esawu a to khene: “Eko ni no fa ngu nzala; wu na ni vhuna txani wutiwula kani?”

Genesisi 40:15

nguko, ni to pfhukulwa ditikoni ka Vahebheru; hambi ni kona hawa kha na maha txilo txo biha, txa kuza ni ta wuletwa diphalani muwa.”

Genesisi 42:21

Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Jeremiya 36:25

Elnatani ni Dhelaya ni Gemariya va to khongotela mfumeli ti to asi hisi dibhuku, aniko kha va engisa.

Genesisi 4:9

Txizimu txi to kha txona ka Kayini: “Ahani Abhele, mwananu kani?” Kayini a xamute, a txi khene: “Kha ni m'zivi. Kasi ani ngani ni ku mxayisi wa mwanathu kani?”