Genesisi 37:24 - Bhiblia Yo Sawuleka

²⁴ Va to mñola va txi mtshotsha mu diphalani; i ti diphala da diphanga, mndani ka dona ku ti si nga ni mati.

Genesisi 37:24 Referans Kwoze

Jeremiya 38:6

Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.

Zakariya 9:11

Kasi i di awe ngu mhaka ya mnoha wa txitumelelano txako, ni humisile tikhumbi tako ngu diphalani mu ku nga si nga ni mati.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.

Masalmo 88:8

U ni hambanisile ni vangana vangu; u ni mahile wo nyenyeza masoni kwawe. Ni fana ni wo khotelwa asi sikotiko kuhuma.

Masalmo 88:6

U ni tshotshile diphalani ko hokoma ngutu; diphalani ka txidema txo thisa.

Masalmo 40:2

A ni humisile diphalani ko thisa, ka ndope yi yi dayako; a ni emisile txitimwi ka dirigwi, a txi ni basisela tinzila.

Masalmo 35:7

Nguko, va ni riyete, va si nga ni txigelo; va kete diphala va si nga ni txigelo, kasiku ni hojomela ka dona.

Genesisi 37:23

Ngako Josefa a di hokile hafuhi kwawe, va to mñola va txi mu ambula dibhaji dakwe do ziza, adi a nga ti ambate.

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.

Genesisi 42:21

Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”