Genesisi 37:22 - Bhiblia Yo Sawuleka

²² Rubheni a to engeta, a txi khene: “Hi nga theketeni mnoha wakwe! Mrinzeni ka diphala da mu txiwulani, aniko mi nga mpfinyeni ngu manza anu! Ene a ti ko zama ku m'hulukisa manzani kwawe, kasiku e mtshumeta a txi m'yisa ka tate wakwe.”

Genesisi 37:22 Referans Kwoze

Mithumo 12:1

Ka yona yile mbimo, mfumeli Herodha a to khata kuxanisa vathu vokari va Dibanza.

Matewu 27:24

Sekoko Pilato, a di woni ti to kha koti txilo, ni ti to dizunga da engeteleka ngutu, a to ruma kuve mu tisela mati, e samba manza masoni ka dibutho, na, a txi khene: “Kha ni na mnandu ka mnoha wa m'thu wuwa wo lulama! Ati ndanu mokha.”

Dhewuteronome 13:9

aniko kha ditshuri u fanete ku m'daya; dianza dako ngu dona di no khata di txi mpeka, kasi ku m'daya, se ngu msana manza a votshe vathu.

Eksodha 24:11

Kambe Mkoma kha guleta dianza dakwe txitimwi ka vasawuleki, hagari ka vanana va ka Israyeli; kambe va txi wonile Txizimu, va dyite, ve sela.

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Genesisi 37:21

Aniko Rubheni, a di engisile timhaketo, a to lava nzila ya kuponisa Josefa manzani kwawe. A to womba, a txi khene: “Hi nga m'dayeni!”

Genesisi 37:23

Ngako Josefa a di hokile hafuhi kwawe, va to mñola va txi mu ambula dibhaji dakwe do ziza, adi a nga ti ambate.

Jeremiya 36:25

Elnatani ni Dhelaya ni Gemariya va to khongotela mfumeli ti to asi hisi dibhuku, aniko kha va engisa.