Genesisi 37:2 - Bhiblia Yo Sawuleka

² Ngu tiya tiveleko ta Jakobe: Josefa a ti ni tanga ya digumi da malembe ni mtxhanu ni mambidi, ene a txi dyisa tinvuta ta tate wakwe, kumweko ni vanawe, vanana va Bhiliha ni Zilpa, vasikati va tate wakwe; Josefa a ti ti geletela tate wakwe timhaka to biha, ati vanawe va nga txi ti mahetela.

Genesisi 37:2 Referans Kwoze

1 Vakorinto 11:18

Kukhata, ni engisa tito, mbimo yi mi tshanganako, ku ni mibango hagari kwanu; kambe eto na ti tumela kudotho.

Genesisi 35:22

Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.

1 Vakorinto 5:1

Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

1 Vakorinto 1:11

Ni womba tiya kwanu, vanathu, nguko ni getwe ngu vathu va Klowe, ti to hagari kwanu kuho kukanetisana;

Johani 7:7

Ditiko kha di na ku mi vengela, kambe ani da ni vengela, nguko na fakaza ti to mithumo ya dona yi bihile.

Genesisi 30:9

Leya, ngu kuwona ti to a emile, khaswi a txi veleka, a to teka Zilpa, txithumi txakwe, e txi ningela ka mwamna wakwe Jakobe, kasi ku e maha msikati wakwe.

Genesisi 30:4

Ti di ngeto, ene a to mninga Bhiliha txithumi txakwe, a txi va msikati wakwe. Se Jakobe a to mteka.

Genesisi 10:1

Atiya koko ndiveleko ta vanana va Nowa, Semi, Kame ni Jafete; ngu ka vona ku velekilwe vanana msana ka ndambi.

Genesisi 6:9

Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo.

Genesisi 5:1

Adiya dibhuku da liveleko la Adhamu. Mbimo yi Txizimu txi nga vanga m'thu, txi mmahile a txi fanana ni Txizimu.

Genesisi 2:4

Aawa ngu ona makhato a nzuma ni mafu, mbimo yi Txizimu, txi nga si vanga; ka ditshiku dile Mkoma Txizimu a nga vanga nzuma ni mafu,

Genesisi 41:46

Josefa a ti ti ni tanga ya magumi mararu a malembe, mbimo yi a nga ya maneka masoni ka Faro, mfumeli wa ditiko da Egipta. Se a to khukha Josefa masoni ka Faro, e tsimbila-tsimbila ka dotshe ditiko da Egipta.

Genesisi 42:8

Josefa koko a va zivile vanawe, aniko vona kha va m'ziva.

Genesisi 45:6

Nguko se malembe mambidi, ku di humelete paya ha mafuni, kambe ku ngadi sate mtxhanu wa malembe a nzala, ahawa ku no mbi phaywa txilo, hambi kuelulwa txilo.

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”