Genesisi 37:18 - Bhiblia Yo Sawuleka

¹⁸ Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.

Genesisi 37:18 Referans Kwoze

Mithumo 23:12

Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.

Marku 14:1

Ku txi sala masiku mambidi kasi ku yi mahwa Pasika ni M'buso wa mapawu o mbi na mtshumbelo, vaphaxeli va hombe ni vabhali va to lava marindi a ku mñola ngu wutxhari, kasiku ve m'daya.

Masalmo 37:32

M'thu wo biha a mbzwingamela m'thu wo lulama a lava makungo a ku m'daya;

Masalmo 37:12

M'thu wo biha a maha sikungo sa kuwukela awu i ku wam'nene a gegeresela makwasa akwe ngu kuhenyela ene.

1 Samuwele 19:1

Se Sawule a to gela Jonatani, mwanana wakwe, ni sotshe sithumi sakwe taku ve daya Dhavhidha. Kambe Jonatani, mwanana wa Sawule, a ti ti dhunda ngutu Dhavhidha.

Johani 11:53

Kukhukhela donedo ditshiku vona va to langana marindi kasiku m'daya.

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Marku 12:7

Aniko vadimi va to langana, va txi kha vona: ‘M'dyi wa thomba ndiyo! Ngonani hi ta m'daya, thomba yi na maha yathu.’

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Matewu 21:38

Aniko vadimi, mbimo yi va nga wona mwanana wakwe, va to langana va txi kha vona: ‘Awuwa ngene i ku m'dyi wa thomba. He m'dayeni, hi na sala ni thomba yakwe.’

Masalmo 109:4

Va ni tshumetela lirando langu ngu livengo; aniko ani no khongela dwe.

Masalmo 105:25

Txi mahile ti to Vaegipta ve venga vathu va txona ve fumela ngu tshofu vathumi va txona.

Masalmo 94:21

Vona va maha sikungo so wukela m'thu wo lulama ve mu abanisela lifo awu a singako ni mnandu.

Genesisi 37:19

Va to wombawombisana va txi kha vona: “Ndiyole nyamilorwani, wata!

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 50:15

Sekoko ngako vanawe va Josefa va di woni to tate wawe a fite, va to wombawombisana va txi kha vona: Mwendo Josefa a na hi vengela a txi hi tshumetela, wotshe wubihi wu hi nga mmahela.

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Masalmo 31:14

Aniko themba yangu yi kwako, Mkoma; se ani ni huwelela ti to awe u Txizimu txangu!