Genesisi 37:10 - Bhiblia Yo Sawuleka

¹⁰ Ene a to xawutela toneto ka tate wakwe ni ka vakomwakwe, aniko tate wakwe a to mkawuka, a txi khene: “Mloro wa txani wonewo u nga va nawo kani? Ti komba ti to ani, ni mame wako ni vakomwako, hi na khizama hahatshi masoni kwako, kani?”

Genesisi 37:10 Referans Kwoze

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Genesisi 37:7

Hi ti ti maneka hi di thembweni, hi txi sunga tinyanda ta fulaho; nyanda yangu yi to wuka yi txi ema, se tanu tinyanda ti to randela nyanda yangu, ti txi yi khizamela.”

Genesisi 37:9

Ene a to lora wumwani mloro, awu a nga wu xawutela ka vanawe, a txi khene: “Ni lorile wumwani mloro: Ni woni ditambo, mtxima ni digumi da tinyeleti ni yimweyo, na si txi ni khizamela.”

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

Genesisi 43:28

Vona va to xamula va txi kha vona: “Txithumi txako, ene tate wathu, a ngadi ho, ene a ngadi a txi hanya.” Se vona va to nama, va txi mkhizamela.

Genesisi 44:14

Mbimo yi Judha ni vananda vakwe va nga wulela nyumbani ka Josefa, amu va nga ya mmana a sinzi kuhuma, vona va to khizama hahatshi masoni kwakwe.