Genesisi 36:24 - Bhiblia Yo Sawuleka

²⁴ Ngu vava vanana va Zibheyon: Aya ni Ana. Ana ngene awule a nga mana sisima sa mati o hisa txiwulani, mbimo yi ene a nga txi dyisa timbongola ta Zibheyon, tate wakwe.

Genesisi 36:24 Referans Kwoze

1 Vafumeli 4:28

Va ti heleketa kumweko ni sevhadha, ni mwasi wa kudyisa mahantxhi o ndinda sikotxikani sa yimbi, ni hani ha a nga ti maneka kona mfumeli, madingano ni sileleto sa kona.

1 Vafumeli 1:44

Se mfumeli a to mruma kumweko ni Zadhoki, mphaxeli, ni mprofeti Nathani, ni Bhenaya, mwana Joyadha, ni Vakereti, ni Vapeleti; va to gadhisa Solomoni, ka dimula da mfumeli.

1 Vafumeli 1:38

Sekoko Zadhoki, mphaxeli, a to relela, ni Nathani, mprofeti, ni Bhenaya, mwana Joyadha, ni Vakereti, ni Vapeleti, va to gadhisa Solomoni ha ka dimula da mfumeli Dhavhidha, ve m'heleketa Giyoni.

2 Samuwele 18:9

Se Abhisalome a to tshangana ni sithumi sa Dhavhidha a di gadhile dimula; ngako dimula di di wulete ngu hahatshi ka madhavi o khwela a mkusu wa hombe, msungo wa Abhisalome wu to khwekela ka mkusu, e sala a di txikite hagari ka nzuma ni mafu; se dimula dile a nga ti gadhile di to pinda diya masoni.

2 Samuwele 13:29

Se vafana va Abhisalome va to maha ka Aminoni nga ti Abhisalome a nga ti va leletile tona. Sekoko votshe vanana va mfumeli va to khukha, mmweyo ni mmweyo e gadha dimula dakwe, ve tutuma.

Dhewuteronome 2:10

Kale ka kona, va Emime va ti akile kona; i ti vathu va hombe, vavangi, kambe i ti va txiemo txo lapha, ku nga va Anaki.

Levhi 19:19

U na vekisa sileleto sangu; u nga leke txifuyo txako txi kandwa ngu txifuyo txa limwani lixaka; u nga phaye thembweni kwako mixowo yimbidi yo hambana ya timbewu, kambe u nga ambale nguwo yo lukwa ngu mixowo yimbidi yo hambana.

Zakariya 14:15

Mtungu wa kona wu na va wa mahantxhi, wa mamula, wa makamelu, ni wa timbongola, ni wa sotshe sihari sile si manekako ka mtalo wule, ku nga wule wo khata.

Genesisi 36:2

Esawu a tekile vasikati, hagari ka vanana Vakanana, i ku Adha, mwana Eloni, Muheti, Oholibhama, mwana Ana, mwana Zibheyami, muhevhi,

Genesisi 36:23

Vanana va Sobhali ngu vava: Alivhani, Manahati, Ebhali, Sefo ni Oname.

Genesisi 36:25

Ana a velekile mwanana wa dizambi, Dhixoni, ni mwanana wa muhorana, Oholibhama.

1 Makronika 27:29

Sitrayi, wa Saroni, i ti ti m'dyisi wa sifuyo kona Saroni; kambe Safati, mwana Adhilayi, i ti ti m'dyisi wa sifuyo mikovani.