Genesisi 36:15 - Bhiblia Yo Sawuleka

¹⁵ Avava ngu vona vathangeli va vanana va Esawu; i ku vanana va Elifazi, matiwula a Esawu, i ku vava: Mthangeli Temani, mthangeli Omari, mthangeli Sefo, mthangeli Kenazi,

Genesisi 36:15 Referans Kwoze

Obhadhiya 1:9

Se tindena tako, awe Temani, ti na dhukiswa, kasiku ngu mmangoni ka Esawu, ti txi dawa, yimweyo-yimweyo.

Jobe 2:11

Va di ti pfite koko vangana vararu va Jobe totshe to biha ti nga maheka txitimwi kwakwe, mmweyo ni mmweyo a tile ngu ka wukhalo wakwe: Elifazi Mutemani, ni Bhilidhadhe Musuwita, ni Zofari Munamani, va tshanganile ve ta mtsetsa ni ku mthavelela.

Habhakuki 3:3

Txizimu txi tile ngu Temani, se Msawuleki a tile ngu mmangoni ka Parani. Wudhumo wakwe wu fenengetile nzuma, se mafu ma tate ngu kudhumiswa kwakwe.

Amosi 1:12

Ngu toneto, ni na veka mndilo kona Temani, se wona wu na tshokomisa tinyumba ta wukoma ta Bhozira.

Ezekhiyele 25:13

ngu tona eto, Mkoma Txizimu a khene: Ni na nawuluta dianza do wukela Edhomi, kambe ni na dayela kwakwe vathu ni sihari; kambe ni na di maha txiwula, kukhukhela Temani kala Dhedhani, va na dawa ngu ditxhari.

Jeremiya 49:20

Ngu toneto, pfanani sileleto sa Mkoma, asi ene a nga si emisela Edhomi; ni kuxuva kwakwe ngu vaaki va Temani: Ngu ditshuri ava vavadotho hagari ka tinvuta va na ndindwandindwa. Ngu ditshuri ku na fuviswa tinyumba tawe.

Jeremiya 49:7

Txisolo xungetano ni Edhomi. Mkoma wa Mabutho a Tiyimbi a womba tiya: Ku ngava ku si ngadi ni wutxhari Temani kani? Ina si lovile silayelo sa titxhari kani? Wu bhirete wutxhari wawe kani?

Masalmo 37:35

Ni woni m'thu wo biha a txi ti kukumukisa ngu mtamo, e nava kufana ni mndonga wa mazokoro o nyuka;

Jobe 21:8

Liveleko lawe li anda masoni kwawe; se ni vanana vawe masoni kwawe.

Jobe 4:1

Sekoko Elifazi, Mutemani, a to xamula, a txi khene:

1 Makronika 1:45

Se ku to fa Jobhabhi, ka wukhalo wakwe kufuma Husamu, wa ditiko da Vatemani.

Eksodha 15:15

Sekoko vathangeli va Edhomi va na dhukiswa; ka vale va mtamo ngutu va Mowabhi, va na talelwa ngu kuthava votshe vazumbi Vakanana va na guma mtamo.

Genesisi 36:18

Se ngu vava vanana va Oholibhama, msikati wa Esawu.

Genesisi 36:4

Adha a velekete Esawu, mwanana wu a dhanwako ku i Elifazi, Bhasemate a velekile Reweli.

Genesisi 36:14

Ngu vava vanana va Oholibhama, mwana Ana, mwana Sebeyomi, msikati wa Esawu: Ene a m'velekete Jewusi, Jalamu ni Kora.

Genesisi 36:16

mthangeli Gayetamu, ni mthangeli Amaleki; avava ngu vona vathangeli va Elifazi, ditikoni ka Edhomi; ngu vona vanana va Adha.