Genesisi 35:3 - Bhiblia Yo Sawuleka

³ Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

Genesisi 35:3 Referans Kwoze

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Genesisi 32:7

Sekoko Jakobe a to tala ngu kuthava ni kukarateka. Ti di ngeto, a to abanisa vathu va a nga ti navo, tinvuta ni tihomu, ni makamelu ku txi maneka mitxawa yimbidi.

Genesisi 31:3

Mkoma Txizimu a wombile ka Jakobe, a txi khene: “Tshumela u txi tsula ditikoni ka vatate vako, mwani kwanu, ani ni na va ni nawe.”

Mavingu 3:6

Alakanya ene ka totshe tinzila tako, se ene a na lulamisa tinzila tako.

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Isaya 30:19

Nguko vathu va na zumba Siyoni, kona Jerusalema; khu na mbi dila kambe; ngu ditshuri a na kupfela wusiwana, ka dipswi da kudila kwako; se a txi dipfa, a na kuxamula.

Masalmo 107:6

Aniko kupandisekani kwawe, va to dila ka Mkoma se ene a to va hulukisa kuxanisekani kwawe.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Genesisi 32:24

Se Jakobe a to sala ekha. Ku to humelela m'thu wokari a txi ta lwa nayo, kala kuza ku txi gwimba wuronga.

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Genesisi 35:4

Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.

Genesisi 35:7

Koneyo a ti ya aka txiluvelo, e raya wukhalowo ditina daku i Eli-Bheteli, nguko ngu koneyo Txizimu txi nga ti wonekisa kwawe, mbimo yi a nga txi thava masoni ka mkomwakwe.

1 Samuwele 10:3

Se mbimo yi u no pinda hale uya masoni, u ya hoka mkusuni ka Tabhori, koneyo u na ya tshangana ni vavamna vararu, va kwelelako veya Bheteli ka Txizimu: Mmweyo a di rwate tiphongo tiraru, mmwani a di rwate simbwanda siraru, se wa wuraru a ti rwate msava wa vhinya.

Genesisi 48:15

Se Israyeli a to katekisa Josefa, a txi khene: Txizimu txi va nga tsimbila masoni ka txona vatate vangu Abrahamu ni Isaake Txizimu txi i ku m'dyisi wangu kukhukhela ni txi velekwa kala ditshiku da nyamsi,