Genesisi 35:22 - Bhiblia Yo Sawuleka

²² Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.

Genesisi 35:22 Referans Kwoze

1 Makronika 5:1

Ka vanana va Rubheni, matiwula a Israyeli (nguko ene i ti ti matiwula, kambe ngu mhaka ya kule a nga nyenyezisa m'bhedhu wa tate wakwe, va ningete wutiwula wakwe ka vanana va Josefa, mwanana wa Israyeli; kasi ku asi balwi ka liveleko la matiwula.

Levhi 18:8

U nga thuke u otela ni msikati wa tate wako.

1 Vakorinto 5:1

Ha yi engisa yi txi xawutwa ngu votshe mhaka ya wugango hagari kwanu, wugango wa kuyila ngutu, ti to kha hi zivi ku nga wu engisa hagari ka vamatiko: Mmweyo wanu a hanyako ni msikati wa tate wakwe.

2 Samuwele 20:3

Mbimo yile koko, Dhavhidha a nga wuya nyumbani kwakwe, kona Jerusalema, a to teka digumi da vasikati vakwe vavadotho, vale a nga ti va site ve xayisa nyumba, e va veka ka nyumba kuva vawoneleli, a txi va dyisa; aniko kha wulela kwawe, kambe a to va vhalela kala ditshiku da kufa kwakwe, ve hanya kufana ni tinoni.

Mtuletelo 21:14

Diguma da didhoropa di ti ni digumi da makhato a kuaka ni mambidi, ni txitimwi ka ona ku ti ni matina a digumi ni mambidi, a Vapostoli va Digumi ni vambidi va Txinvutana.

Mithumo 7:8

Se Txizimu txi to mninga txitumelelano txa wukwera. Ngu konaho, Abrahamu, a di velekile Isaake a mu yisile wukwerani ngu ditshiku da wutxhanu ni mararu. Isaake a mahisile toneto ka Jakobe, se Jakobe nene e mahisa toneto ka vanana vakwe i ku vanyampande va tihunzu ta digumi ni timbidi ta Israyeli.”

Genesisi 35:18

Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku i Bhenoni; aniko tate wakwe a mrayile ku i Bhenjamini.

Eksodha 2:1

Wamwamna wokari wa nyumba ya ka Levhi, a to ya teka msikati wa nyumba ya ka Levhi.

Mitengo 10:14

Nguko kukhata ku to khukha m'jeke wa dizumbo da vanana va ka Judha, madingano ni mabutho awe a tiyimbi; se ka dibutho dawe da yimbi, ku ti ti ni Nasoni, mwana Aminadhabhe.

Mitengo 13:4

Se matina awe ngu awa: Ka lihunzu la Rubheni i Samuwa, mwana Zakuri;

Dhewuteronome 27:12

Mbimo yi mi no txhatuka mnambo wa Jordhani, ava va no ema mmangoni ka Garizime, kasi kukatekisa vathu, gu vava: Simiyoni, ni Levhi, ni Judha, ni Isakari ni Josefa, ni Bhenjamini.

Dhewuteronome 27:20

“Dikhombo di nave ka wule a otelako ni msikati wa tate wakwe, nguko wa vhunungula didhamba da tate wakwe!” Vathu votshe va na womba va txi kha vona: “Amen!”

Valamuli 5:14

Nguko Efrayime a relete ka vaaki va Amaleki; se msana kwako, wata Bhenjamini a hagari ka vathu vako; manganakana ma relela ma txi ta ngu Makiri ni Zebhuloni, va pinda va di ñote ndonga ya mabhalani.

1 Samuwele 2:22

Sekoko Eli a ti ti kumbile ngutu, aniko a to pfa totshe tile vanana vakwe va nga ti maha, ka votshe va ka Israyeli, niku va otela ni vavasikati vale va nga ti sengeletana ngu mitxawa ha txikeni ka ditenda da msengeletano.

2 Samuwele 13:21

Se ngako mfumeli Dhavhidha a di pfite totshe timhaka tiya, a to henya ngutu.