Genesisi 35:2 - Bhiblia Yo Sawuleka

² Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Genesisi 35:2 Referans Kwoze

Eksodha 19:14

Sekoko Mosi a to txhika ngu mmangoni, a txi ya sawulekisa vathu; ene a va basisile, kambe va kuwute syambalo sawe.

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Joxuwa 24:23

Konkuwa, tshotshani hahanze sizimu sa walo, asi si ku hagari kwanu, mi ti namisa ngu yotshe mbilu yanu masoni ka Mkoma, Txizimu txa ka Israyeli.”

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

1 Samuwele 7:3

Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

Dhewuteronome 32:16

Va wusile txiluse txa Txizimu ngu kukhozela simwani sizimu; va mu henyisile ngu wubihi wawe.

Genesisi 31:34

Nguko, Rakeli a ti tekile sithombe sa tate wakwe, e si fenengeta ngu txigabhata txa dikamelu, e khalahatsha txitimwi ka txona. Labhani a guluwutile ka otshe matenda kambe kha mana txilo.

Genesisi 31:19

Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Judha 1:23

hanyisani vamwani, mi va yokola ha mndiloni; ka vamwani kambe va pfeleni wusiwana, na mi txi ti wonela, mi txi nyenya hambi ni nguwo yawe, yi yi nga nyetwa ngu txionho txa mmidi.

Vagalatiya 4:8

Kambe, kale ngu ku ambi ziva Txizimu txa ditshuri, mi khozete sizimu so va i si nga sa txilo.

1 Vakorinto 10:7

Mi nga ti maheni vakhozeli va sizimu sa walo, kufana ni vamwani kwawe, nga tiya ti nga bhalwa va txi kha vona: “Vathu va khalahatshile, ve dya, ve sela, ve khukha ve sinya.”

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Ezekhiyele 20:7

Sekoko ni to va gela ku khani: Mmweyo ni mmweyo a na tshotshe kule manyala, kambe mi nga ti nyenyeziseni ngu sithombe sa Egipta; ani ngani Mkoma, Txizimu txanu.

Jeremiya 16:20

Ina m'thu wa sikota ku ti mahela sizimu, si i singako sizimu kani?

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Jeremiya 5:7

“Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Isaya 1:16

Sambani, mi ti basisa, thavisani mithumo yanu yotshe yo biha masoni kwangu mi leka kumaha kubiha.

Ekleziyaste 5:1

Xayisa mkondo wako, u txi wulela Nyumbani ka Txizimu; se ti namise ngutu u engisa kupinda kuningela miphaxo ya siphukuphuku, nguko kha si ti zivi ti to si maha wubihi.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

1 Makronika 16:26

Nguko sotshe sizimu sa ha mafuni kha si vhuni txilo; kambe Mkoma a vangile nzuma.

2 Vafumeli 17:29

Eko ko, mfumo ni mfumo wu ti mahete sizimu sa wona, wu txi si veka ka makhalo o sawuleka, ale va nga ti mahela Vasamariya, vathu ni vathu ka madhoropa awe, emo va nga txi zumba ka ona.

2 Vafumeli 5:10

Sekoko Elixa a to rumisa mtumi kuya gela Nahanani to khene: Tsula Jordhani u ya samba mtxhanu wa sikhati ni simbidi, se nyama yako yi na thunga, u na kalamuka.

2 Samuwele 7:23

I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani?

Rute 1:15

Sekoko Nowemi a to khene: “Wona, mtekwakuloni a tshumelete ka va ka kwawe, ni ka sizimu sawe; tshumela na nawe, u mlondeta.”

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Joxuwa 24:20

Ngako mi txi hambana ni Mkoma, mi txi khozela simwani sizimu, ene a na mi wukela, a txi mi tsayisa, a txi mi fuvisa, hambiko a nga khata ngu ku mi mahela wunene.”

Joxuwa 24:2

Konako Joxuwa a to womba ka vathu votshe, a txi khene: Mkoma, Txizimu txa ka Israyeli, a khene: Mtxhatuko ka Jordhani va zumbile kona vatate vanu, kukhatani, ene Tera, tate wa Abrahamu ni wa Nakori, se vona va to khozela simwani sizimu.

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

Dhewuteronome 11:28

kambe mi na va txiruko, ngako mi si xayisi sirumo sa Mkoma, Txizimu txanu, ni kungako mi txi huma ka nzila yi ni mi kombako nyamsi, mi txi londisa simwani sizimu, sile mi si si ziviko.

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

Dhewuteronome 6:14

Mi nga khozeleni simwani sizimu, asi si ku hagari ka sizimu sa vathu, vale va mi randelako.

Dhewuteronome 5:7

Khu na mbi va ni simwani sizimu hahanze kwangu.

Mitengo 31:24

Kambe mi na kuwula syambalo sanu ngu ditshiku da wutxhanu ni mambidi, kasi ku mi txi na basa; se msana keto mi na wulela dizumboni.

Levhi 17:16

Ngako asi kuwuli syambalo sakwe hambi kwa mbi samba mmidi wakwe ngu mati, a na va a txi rwala mnandu wakwe.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Eksodha 23:13

Londetani ngu kukhatala totshe timhaka ti ni mi gelako, kambe mi nga thukeni mi khumbuka ditina da simwani sizimu, kha kulaveki di txi pfala sisofuni kwanu.”

Genesisi 35:22

Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

1 Samuwele 16:5

Se ene a to khene: Ni ta ngu kudikha; ni tete ku ta phaxela ka Mkoma. Ti sawulekiseni mi tsula ni nani mphaxoni. Se a to sawulekisa Jese ni vanana vakwe, e va ramba ku veya mphaxoni.

Joxuwa 24:14

“Ngu mhaka yeto, thavani Mkoma, mi txi mkhozela ngu kuhetiseka, ni kuthembeka, tshotshani hahanze sizimu sa vatate vanu, va nga si khozela va di mtxhatuko ka mnambo wa Jordhani, ni niya Egipta, kambe khozelani Mkoma.