Genesisi 35:19 - Bhiblia Yo Sawuleka

¹⁹ Rakeli a to fa, se e kelelwa hafuhi ni nzila ya kuya Efrata, i ku Bhetlehema.

Genesisi 35:19 Referans Kwoze

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Genesisi 48:7

Mbimo yi ni nga txi wuya ngu Padhani-Aramu, mame wako Rakeli a to fa hi di ngadi hagari ka nzila, ditikoni ka Kanana, hafuhi ni Efrata; se ani ni to m'kelela koneyo, nzilani ka kuya Efrata, i ku Bhetlehema.

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

Rute 1:2

Wamwamna eyo ditina dakwe i ti ti Elimeleki, se ditina da msikati wakwe i ti ti Nowemi, se matina a vanana vakwe vavambidi vavafana, i ti ti Mahaloni ni Kiliyoni, va lihunzu la Efrata, ka Bhetlehema wa Judha; se va to ta aka ditikoni ka Mowabhi.

Matewu 2:1

Ngako Jesu a di velekilwe Bhetlehema ka Judheya, ka mbimo ya mfumeli Herodha, konaho titxhari ta wutxani ti to bwaka Jerusalema,

Mika 6:2

Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.

Joxuwa 19:15

kupata ni Kateki, ni Nahalali, ni Simitoni, ni Jidhala, ni Bhetlehema: Digumi da madhoropa ni mambidi ni miti ya kona.

Genesisi 35:16

Vona va to khukha Bheteli. Se ku di sate mnava wa wudotho, kasi kuhoka Efrata, Rakeli a to hefemula kambe, aniko kulumwa kwakwe ku mpandisile ngutu.

Genesisi 35:18

Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku i Bhenoni; aniko tate wakwe a mrayile ku i Bhenjamini.

1 Samuwele 17:12

Se Dhavhidha i ti ti mwanana wa wamwamna wokari wa Efrata, ka Bhetlehema wa Judha, awu ditina dakwe i nga ti ti Jese, a nga ti ti ni mtxhanu wa vanana ni vararu; se ka masiku a Sawule wamwamna wuwa a ti kumbile, i ti wa tanga ya hombe hagari ka vathu.

Ezra 2:21

Vanana va Bhetlehema, 123.

Masalmo 132:6

Hi engisile ti to mtundu wa txitumelelano wu maneka Efrata, aniko hi ti ya wu mana thembweni ka Jahari.

Valamuli 17:7

Se ku ti tiho dijaha dokari da Bhetlehema ka Judha, wa lihunzu la ka Judha, i nga ti ti Mulevhi, na i ti muluveli.

1 Samuwele 10:2

Nyamsi mbimo yi hi no hambana, u na mana vavamna vambidi hafuhi ni dithitha da Rakeli, ngu mhinganoni ka Bhenjamini, kona Zeliza; avale va no kha vona kwako: Timbongola tile u nga tsimbila u ti lava, ti manekile, wona taku tate wako a lekile kuvilela timbongola aniko a vilela anu, a txi khene: “Ni na maha txani ngu mwanana wangu kani?”

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?

2 Samuwele 23:14

Sekoko Dhavhidha a ti ti dikhokholani, kambe vawoneleli va Vafilista va ti ti Bhetlehema.

2 Samuwele 23:15

Se Dhavhidha a to va ni kunavela, a txi khene: Nga ku na mana wo ni ninga mati a txisima txa Bhetlehema txi ku hafuhi ni txike, ni sela!

1 Makronika 2:51

ni Salima tate wa Vabhetlehema, ni Harefi, tate wa Bheti-Gadheri.

2 Makronika 11:6

A to aka koko, Bhetlehema, ni Etami, ni Tekowa,

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.