Genesisi 35:18 - Bhiblia Yo Sawuleka

¹⁸ Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku i Bhenoni; aniko tate wakwe a mrayile ku i Bhenjamini.

Genesisi 35:18 Referans Kwoze

Mithumo 7:59

Se va to balisela Sitefani ngu marigwi, na ene a txi khongela, a txi khene: “Mkoma Jesu, amukela moya wangu!”

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

1 Makronika 4:9

Se Jabhesi a to dhundwa ngutu kupinda vanawe; mame wakwe a to mraya ditina daku i Jabhesi, a txi khene: Ni m'velekile ngu xomulo.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Sidilo 2:12

Va womba ka vamame vawe, va txi kha vona: “Yi hayi fulaho ni vhinya kani?” Mbimo yi va tsivalako nga va to dayiswa tinzilani ka didhoropa, va txi tshakunuta mimoya yawe ka vamame vawe.

Masalmo 80:17

Aniko katekisa m'thu wu awe u nga msawula, awu u nga mkulisa kasiku e kuthumela.

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.

Eksodha 12:7

Va na teka mnoha wa kona va txi wu tota aha ka tiphande timbidi ta misasimo ni ka mtshunzuti ha txikeni, ka tinyumba ti va no dyela ka tona.

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 42:38

Kambe ene a to khene: “Mwanana wangu kha na mbi tsula ni nanu, nguko mwanawe a fite, se ku to sala ene ekha dwe. Ngako a txi manwa ngu phango emo mi no tsimbilela kona, mi na ni releta diphalani ni tinvi tangu.”

Genesisi 42:4

Aniko Bhenjamini, mwanawe wa Josefa, kha lekwa ngu Jakobe e tsula ni vanawe, nguko a pimisile tito, a nga thuka e humelwa ngu phango yokari.

Genesisi 30:1

Ngako Rakeli a di woni ti to kha velekela vanana Jakobe, a to khata kulusa ka Leya, se e womba ka Jakobe, a txi khene: “Nihe vanana, hahanze keto, ndinene ku ni txi fa.”

Genesisi 35:17

Mbimo yi Rakeli a nga hefemula ngu kukarateka, nyakhotwe wakwe a m'gete tiya: “U nga thave, nguko u na va ni mmwani m'zambi!”

Genesisi 35:19

Rakeli a to fa, se e kelelwa hafuhi ni nzila ya kuya Efrata, i ku Bhetlehema.

Genesisi 35:24

Vanana va Rakeli ngu vava: Josefa ni Bhenjamini;

Genesisi 49:27

Bhenjamini i dixolwa di di phatulako; ni mixo didya txile di nga xota, se ni minova di phaka sa kuhonyola.