Genesisi 35:11 - Bhiblia Yo Sawuleka

¹¹ Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 35:11 Referans Kwoze

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Genesisi 9:1

Se Txizimu txi to katekisa Nowa ni vanana vakwe, txi va gela tiya: “Velekani, mi anda mi tata mafu.

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 32:12

Awe ngawe, u nga womba u txi khawe: “U na ni xayisa ta tinene, u txi maha ti to liveleko langu li txi tala nga mtxhefa wa mafu a lineneni, awu wu si kotekiko kubalwa.”

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Genesisi 18:18

Kambe nguko Abrahamu a na va i di nyampanze wa mfumo wa hombe ni wa mtamo, kambe ngu mhaka yakwe, yotshe mifumo ya ha mafuni, yi na katekiswa.

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Genesisi 9:7

Anu velekelani mi anda; tatani mafu mi txi hangalaka ka ona.”

Genesisi 17:4

“Ngu didhawa dangu, nditxe txitumelelano txi ni txi mahako ni nawe, u na va tate wa matiko o tala.

Genesisi 36:31

Ngu vava vafumeli va va nga fuma ditikoni ka Edhomi, na kusanzi kufumwa ngu mfumeli wa ka Israyeli.

Genesisi 47:27

Ngu toneto, Israyeli a zumbile ditikoni ka Egipta, ka wukhalo wa Goxeni. Koneyo vona va to mana mipeto, va txi velekela, ve anda ngutu.

Levhi 26:42

hambi ani ni na alakanya txitumelelano txangu ni Jakobe, ni txitumelelano txangu ni Isaake, ni txitumelelano txangu ni Abrahamu, ni na ti alakanya, kambe ni na alakanya ditiko diya.

1 Makronika 16:17

txile a nga txi tsanisa e txi maha txileleto ka Jakobe, txi maha txitumelelano txa kwa mbi guma ka Israyeli;

Eksodha 2:24

Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

1 Makronika 16:16

ka txitumelelano txi a nga txi maha ni Abrahamu, ni ka txixambanyo takwe ka Isaake;

1 Makronika 16:18

a txi khene: Ni na kuninga ditiko da Kanana, di maha thomba yanu.