Genesisi 34:8 - Bhiblia Yo Sawuleka

⁸ Sekoko Hamori a to womba kwawe, a txi khene: “Mwanana wangu Sikemi wa randa ngu mbilu yotshe yakwe, mwanana wanu wa dihorana; na kombela mi txi ni tumelela, e tekana nayo.”

Genesisi 34:8 Referans Kwoze

1 Vafumeli 11:2

va mifumo yile Mkoma a nga ti gete vanana va ka Israyeli ku khene: Mi nga tekeni ka yona, ni yona kha yi na mbi teka kwanu; ngu kuhambana nito, va na kanganyisa timbilu tanu kuva mi londisa sizimu sawe. Se Solomoni a to randana navo.

Masalmo 119:20

Moya wangu wa karateka yotshe mbimo, ngu kulava kuziva mithetho yako.

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Genesisi 34:3

Aniko msana keto, a to randa wule wa dihorana ngu ditshuri, se e maha ngu kuwombawomba nayo ngu lirando.

Genesisi 34:7

Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila.

Genesisi 34:9

Ngu mhaka yeto, a hi pfananeni: Anu mi na hi ninga vanana vanu vamahorana, se nanu mi na teka vanana vathu vamahorana, va txi maha vasikati vanu.

Jobe 7:2

Kufana ni mhoti yi navelako mtsudi, ni ku nga txithumi txi verelako hakhelo ya txona,

Jeremiya 22:27

Aniko ditiko di va xuvako kutshumelela ka dona, kha va na mbi wuya ka dona.