Genesisi 34:5 - Bhiblia Yo Sawuleka

⁵ Mbimo yile Jakobe a nga ziva taku, Sikemi a onhile mwanana wakwe Dhina, kambe, ngako vanana vakwe va mazambi va nga ti si nga ho, va nga ti bhuwani, kudyisani ka sifuyo, a to malala kala kuza ve wuya.

Genesisi 34:5 Referans Kwoze

2 Samuwele 13:22

Kambe Abhisalome kha womba txilo txo biha hambi txo tshura ka Aminoni; nguko Abhisalome, a to vengela Aminoni ngu kule a nga kurumeta Tamara, ndiyakwe.

Luka 15:29

Kambe ene a xamute ka tate wakwe, a txi khene: ‘Malembe amangi ni ku thumelako, kha ni zivi kundaka ni wumwewo ka milayo yako, kambe khu zivi ku nga ni ninga phongo ni txi busa ni vangana vangu.

Luka 15:25

“Mwanana wakwe wa mkoma a ti ti thembweni. Se kuwuyani kwakwe, ngako a di hafuhi ni m'ti, a to pfa kuembelela ni sigingo sa kusinya.

1 Samuwele 17:15

Kambe Dhavhidha a ti tiya ka Sawule, a txi tshumela e wuya Bhetlehema ku ta dyisa tinvuta ta tate wakwe.

1 Samuwele 16:11

Samuwele a to engeta a txi khene ka Jese: Vagumile votshe vafana vako kani? Se Jese a to khene: Ku ngadi sate mnanda wa kona, a ku kudyisani ka tinvuta. A to khene koko Samuwele ka Jese: Rumela m'thu wo ya m'dhana, nguko kha hi na mbi khalahatshi ha mezani kala kuza a txi hoka hawa.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Genesisi 30:35

Ka donedo ditshiku, a to thavisa vamabhongwe va matshakatshaka ni va mindenda, totshe tiphongo ta matshakatshaka ni ta mindenda, sotshe si si nga ti ni divalavati do basa; se hagari ka tinvuta a thavisile totshe ti i ku ta mtima. Ene a to si ningela ka vanana vakwe, ve si xayisa.

Masalmo 39:9

Ni malate, kha ni na mbi tula txisofu, nguko mthumo wuwa mbwako.

Genesisi 34:4

Sikemi a to womba ka Hamori, tate wakwe, a txi khene: “Ni lowolele mbiri yiya, yi txi maha msikati wangu.”

Genesisi 34:6

Hamori, tate wa Sikemi, a to ya ka Jakobe kasi kuya womba-womba nayo.

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”