Genesisi 34:30 - Bhiblia Yo Sawuleka

³⁰ Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

Genesisi 34:30 Referans Kwoze

Masalmo 105:12

Mbimo yi Vaisrayeli i nga ti vavadotho, i nga ti valuveli ditikoni ka Kanana;

1 Samuwele 13:4

Sekoko votshe va ka Israyeli va to pfa to khene: Sauwle a date vawoneleli va Vafilista, ni ku va ka Israyeli va ti mahile txinyenyeko ka Vafilista. Sekoko vathu va to rambwa kuya ka Sawule, kona Giligali.

Joxuwa 7:25

Se Joxuwa a to khene: “Ngu kutxani u txi hi tisela dikhombo kani? Se nyamsi, Mkoma a na tisa dikhombo txitimwi kwako!” Se votshe va ka Israyeli va to va balisela ngu marigwi, va txi va hisa ngu mndilo.

Eksodha 5:21

Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

1 Makronika 19:6

Mbimo yile koko, vanana va ka Amoni va nga wona taku va phayile livengo ka Dhavhidha, Hanumi ni vanana va ka Amoni, va to rumela 1.000 wa titalenta ta nzalama, kasi kuya lomba ngu yona sikotxikani ni vagadhi va mahantxhi va Mesopotamiya, ni va Siriya ni Mahaka, ni va Zobha.

1 Makronika 16:19

Aku va nga ti ngu mtengo wa wudotho, i nga ti valuveli ka dona;

1 Samuwele 27:12

Akisi a ti themba Dhavhidha, a txi khene: A ti mahile wo nyenywa ngu vathu va ka Israyeli, ngu kumaha keto, a na maha txithumi txangu kala kupinduka.

Genesisi 13:7

Se ku ti ti ho kuphikizana hagari ka vadyisi va sifuyo sa Abramu ni vadyisi va sifuyo sa Loti, ka yona mbimo yile; sekoko Vakanana, Vaferezi va ti ti zumba kona ditikoni mule.

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

Mavingu 11:29

Awule a khulumetelako mwaya wakwe, thomba yakwe ngu moya, se txiphukuphuku txi na thumela wule wa mbilu yo txhariha.

Mavingu 11:17

M'thu wa wunene wa mahela wunene moya wakwe apune, aniko awule i ku txigevenga wa xanisa nyama yakwe apune.

1 Makronika 16:12

Alakanyani mithumo yakwe yo xamalisa ayi a nga yi maha; sidiwukiso sakwe ni kululama ka txisofu txakwe.

1 Makronika 2:7

Se vanana va Karimi ngu vava: Akari, m'vhinganyiseli wa Israyeli, a nga onha ngu kuruketela.

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

2 Samuwele 10:6

Mbimo yile koko, vanana va ka Amoni va nga wona taku va vangile livengo la hombe hagari kwawe ni Dhavhidha; vanana va ka Amoni va to rumela kuya ramba 20.000 wa vavamna vo tsimbila ngu mikondo va Vasiriya ka Bheti-Reyobhe ni Vasiriya ka Zobha, ni 1.000 wa vavamna va mfumeli Mahaka, ni 12.000 wa vavamna va Tobhe.

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

1 Samuwele 16:2

Kambe Samuwele a to khene: Ni na tsulisa kutxani ani, kani? Nguko a txo tipfa Sawule koko, a na ni daya. Sekoko Mkoma a to khene: Teka dirole da makati u tsula nado, u txi ya khawe: Ni tile kasiku ta mahela mphaxo Mkoma.

Dhewuteronome 7:7

“Mkoma kha mi randa ni ku mi sawula, ngu mhaka ya kutala ka dibutho danu kupinda a votshe vamwani vathu, nguko anu mi ti ti vadotho ngu mtengo hagari ka votshe vathu vale vamwani.

Dhewuteronome 4:17

txifananiso txa txihari txokari txa ha mafuni, txifananiso txokari txa txinyana txi txi purumako,

Genesisi 46:27

Vanana va Josefa vale a nga ya va mana Egipta mbambidi mtengo wawe. Ngu mhaka yeto, liveleko lotshe la Jakobe li a nga tsula nalo Egipta, li ti ti tshangana mtengo wa mtxhanu wa magumi ni mambidi a vathu.

Genesisi 12:12

Ngako Vaegipta va txi kuwona, va na kha vona: “Awuwa i msikati wakwe,” se ngu toneto, va na ni daya, va txi kuleka awe u txi hanya.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 34:29

Va to handa tithomba tawe totshe, ni vasikati vawe, ve handa ni sotshe si si nga ti tinyumbani kwakwe.

Genesisi 34:31

Vona va to womba, va txi kha vona: “Ina ndinene kutekwa ndiyathu e mahwa digelegele kani?”

Genesisi 46:26

Ava va nga tsula kumweko ni Jakobe ditikoni ka Egipta, ava i ku liveleko lakwe, hahanze ka vasikati va vanana vakwe va majaha, mtxhanu wa magumi ni dimwedo ni mtxhanu wa vathu ni mmweyo.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

2 Samuwele 16:21

Se Ayitofeli a to khene ka Abhisalome: Tsula u ya wulela ka vasikati va tate wako, vale a nga va siya kuve xayisa nyumba, kasiku votshe va ka Israyeli ve ziva taku u henyisile tate wako. Se manza a votshe vale va ku ni nawe ma na tsana.

1 Vafumeli 11:25

Rezomi a mahile mlala wa Israyeli ka otshe masiku a Solomoni, totsheto, hahanze ka wubihi wule a nga ti wu maha, nguko a ti venga Israyeli, e fumela Siriya.