Genesisi 34:3 - Bhiblia Yo Sawuleka

³ Aniko msana keto, a to randa wule wa dihorana ngu ditshuri, se e maha ngu kuwombawomba nayo ngu lirando.

Genesisi 34:3 Referans Kwoze

Hoseya 2:14

Wonani taku, ani ni na mndinda, ni m'yisa txiwulani, ni ya womba-womba mbiluni kwakwe.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

2 Makronika 30:22

Ezekhiya a to womba-womba ka votshe va ka levhi ava va ku ni wutxhari wa wunene wo ziva Mkoma; se vathu votshe ve busa mtxhanu wa masiku ni mambidi, va ningela mningelo wa kudikha va txi dhumisa Mkoma Txizimu txa vatate vawe.

2 Samuwele 19:7

Khukha koko, konkuwa; huma uya womba-womba u tsakisa timbilu ta sithumi sako; nguko na xambanya ngu Mkoma tito, u txo mbi huma, hambi m'thu ni wammweyo kha na mbi zumba ni nawe wusiku wuwa; eyo yi na va phango ya hombe kwako kupinda tiphango totshe ti ti nga kuhumelela, kukhukhela wuphyani kwako kala konkuwa.

1 Samuwele 18:1

Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene.

Rute 1:14

Sekoko va to engeta kuguleta mapswi awe, va txi dila; se Orpa a to pswopswa masale wakwe, e tshumelela ka va ka kwawe; aniko Rute a to londeta Nowemi.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 34:4

Sikemi a to womba ka Hamori, tate wakwe, a txi khene: “Ni lowolele mbiri yiya, yi txi maha msikati wangu.”

Valamuli 19:3

Se mwamna wakwe a to khukha a txi mlondeta, kasi ku a txi ya womba-womba nayo mapswi a ku mkhongotela, ni kutshumela a txi wuya nayo; se a ti ti tekile dijaha dakwe ni timbongola timbidi, se awule wamsikati a to mteka a txi wulela nayo nyumbani ka tate wakwe, se mbimo yile tate wa kona a nga mmona, a to m'hingeta ngu kutsaka.

Genesisi 50:21

Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Hoseya 2:16

Se ku na maheka ka dona ditshiku dile, kuwomba Mkoma, ti to u ni dhana, ku khawe: “Mkatangu, kambe khu na mbi ni dhana kambe ku khawe: Bhahali wangu.”