Genesisi 34:25 - Bhiblia Yo Sawuleka

²⁵ Ka ditshiku da wuraru, ngako avale vavamna va txi ngadi va txi pfa kupanda, vafana va vambidi va Jakobe, Simiyoni ni Levhi, tindiya ta Dhina, mmweyo ni mmweyo wawe a to teka ditxhari, va txi ya wulela didhoropani va si wonwi ngu m'thu, va txi ya dayetela votshe vavamna.

Genesisi 34:25 Referans Kwoze

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

2 Makronika 32:25

Ezekhiya kha sikota kubonga wunene wu va nga mmahela ngu Mkoma, nguko a ti tate ngu kutikulisa mbiluni kwakwe, se kuhenya ka Mkoma ku to txhika txitimwi kwakwe, ni txitimwi ka va ka Judha ni Jerusalema.

Joxuwa 5:8

Se ku to maheka taku, ngako va di sinyisilwe wukwera votshe vavamna, va to zumba makhaloni kwawe amu wugoveloni, kala kuza si txi hola silonda.

Joxuwa 5:6

Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Mitengo 31:17

Konkuwa koko, dayelani votshe vavamna, hagari ka vanana; kambe dayelani votshe vavasikati va va nga ziva wamwamna wokari, va txi otela nayo.

Mitengo 31:7

Se va to lwa ni Vamidhiyani, nga ti Mkoma a nga rumisa tona ka Mosi; ve dayela votshe vavamna.

Genesisi 34:26

Va to daya ngu ditxhari nene Hamori ni Sikemi mwanakwe, ve teka Dhina ndiyawe, amu nyumbani ka Sikemi, ve tsula nayo.