Genesisi 34:22 - Bhiblia Yo Sawuleka

²² Aniko vathu vava, va tumela dwe kuzumba ni nathu va txi maha vamwevo ni nathu, ngako votshe vavamna va hagari kwathu va txi sinyiswa wukwera, nga ti ni vona va nga sinyiswa wukwera.

Genesisi 34:22 Referans Kwoze

Genesisi 34:21

“Vathu vava va ku hagari kwathu, mbathu vavanene: Va na ake amu ditikoni kwathu, ve zumba ni nathu, ve maha mabhindu awe ngu kutxhatxheka, ditiko diya nda hombe, da sikota ku va amukela; hi na teka vanana vawe vamahorana va txi maha vasikati vathu, nanathu hi na va ninga vanana vathu vamahorana.

Genesisi 34:23

Mitxhambi yawe, sifuyo sawe, ni totshe tithomba tawe, ina kha si na mbi hi lumba kani? He tumeleni ati va wombako kasiku ve zumba ni nathu.”

Genesisi 17:10

Txitumelelano txangu atxiya mi fanelako ku txi xayisa hagari kwangu ni nawe, awe ni lihunzu lako, msana kwako, ngu txiya: Otshe mazambi anu ma fanete kuyiswa wukwerani.