Genesisi 33:9 - Bhiblia Yo Sawuleka

⁹ Esawu a to engeta a txi khene: Ani ni naso so enela, mnanda wangu, ti vekele asi u ku naso.

Genesisi 33:9 Referans Kwoze

Genesisi 27:39

Sekoko tate wa kona Isaake a to mxamula, a txi khene: “Wona taku m'ti wako wu na va wu di kule ni kunona ka mafu, wu si mani mwando wa nzumani.

Filimoni 1:7

Kha ditshuri, mwanathu, ni mani kutsaka ka hombe ni kuthavelelwa ngu mhaka ya lirando lako, nguko, mwanathu, timbilu ta vasawuleki ti tsanisilwe ngu ngawe.

Filimoni 1:16

na i si nga ngadi khumbi, aniko a txi va i di wu a pindako khumbi, mwanathu wo randeka, kambe ene mbwo randeka ngutu kwangu, ngutu-ngutu kwako nawe, a na va i di wo randeka ngu ka wuthu ni ka Mkoma.

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 4:9

Txizimu txi to kha txona ka Kayini: “Ahani Abhele, mwananu kani?” Kayini a xamute, a txi khene: “Kha ni m'zivi. Kasi ani ngani ni ku mxayisi wa mwanathu kani?”

Mavingu 30:15

Mtshundwa wu ni vanana vambidi va ku kha vona: Ni ninge, ni ninge. Simaha si sasiraru kha si dhuki si khura; ni mune si si dhukiko si txi kha sona: Ti dingani:

Genesisi 27:40

Awe u na hanya ngu ditxhari dako, u na thumela mnanda wako. Ku na maheka taku, mbimo yi u no ti txhatxhisa, sekoko u na funya dikange thamoni kwako.”

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.