Genesisi 33:5 - Bhiblia Yo Sawuleka

⁵ Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Genesisi 33:5 Referans Kwoze

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Genesisi 48:9

Josefa a xamute, a txi khene: Mbanana vangu, ava Txizimu txi nga ta ni ninga ditikoni muwa. Jakobe a to engeta, a txi khene: Na ku kombela, va tise hafuhi kwangu, kasiku ni txi va katekisa.

Vahebheru 2:13

Se a txi khene kambe: “Ni na veka kwakwe kuthemba kwangu.” Se a txi engeta kambe a txi khene: “Ngani wuwa, ni vanana vava Txizimu txi nga ni ninga.”

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Samuwele 1:27

Ani ni ti kombela mfana wuwa; se Mkoma a xamute mkombelo wangu wule ni nga wu maha.

Rute 4:13

Ngu kumhaka keto, Bhowazi a to amukela Rute, e maha msikati wakwe; se ene a to patana nayo, kambe Mkoma a to katekisa Rute a txi veleka mfana.

Genesisi 30:2

Sekoko Jakobe a to henyela Rakeli, a txi khene: “U pimisa ti to ani ni ha wukhaloni ka Txizimu, txi txi nga kulambela liveleko kani?”

Genesisi 33:6

Sekoko sithumi sa txisikati si to tshuketa ni vanan va sona ka Esawu, si khizama.