Genesisi 33:18 - Bhiblia Yo Sawuleka

¹⁸ Jakobe, ngako a di humile ngu Pedhani-Arani, a to hoka ngu kudikha didhoropani ka Sikemi, ditikoni ka Kanana, e gova, e gwimba ditenda dakwe, hafuhi ni didhoropa.

Genesisi 33:18 Referans Kwoze

Mithumo 7:16

Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Valamuli 9:1

Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene:

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

Johani 4:5

Se a to hoka ka m'ti wumwani wa Samariya, awu wu dhanwako ku i Sikari, hafuhi ni thembwe yi Jakobe a nga ninga Josefa, mwanana wakwe. Konaho ku ti ni txisima txa Jakobe.

Genesisi 25:20

Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.

Johani 3:23

Johani nene a ti bhabhatisa Enoni, hafuhi ni Salimi, nguko ku ti ni mati amangi koneyo, ni vathu vavangi va txi ya koneyo veya bhabhatiswa.

Genesisi 46:15

Evo mbanana va Leya, avale a nga velekela Jakobe ditikoni ka Padhani-Aramu, kumweko ni Dhina mwanana wakwe; votshe vanana vamajaha, ni vamahorana, magumi mararu ni vanana vararu.

Genesisi 35:9

Txizimu txi to humelela kambe ka Jakobe, na ene a txi ta ngu Padhani-Aramu, txi txi mkatekisa.

Genesisi 28:2

Khukha u txi tsula Padhani-Aramu, nyumbani ka Bhetuweli, tate wa mame wako, u na ya langa kona msikati, hagari ka vanana va Labhani, ndiyakwe mame wako.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

Genesisi 37:13

Israyeli a to womba ka Josefa a txi khene: “Vakomwako va tsute Sikemi, va txi ya dyisela kona mitxhambi. Ngono, ni na kuruma kwakwe.” Se Josefa a to xamula, a txi khene: “Ni ti lulamisete.”

Genesisi 48:7

Mbimo yi ni nga txi wuya ngu Padhani-Aramu, mame wako Rakeli a to fa hi di ngadi hagari ka nzila, ditikoni ka Kanana, hafuhi ni Efrata; se ani ni to m'kelela koneyo, nzilani ka kuya Efrata, i ku Bhetlehema.

Masalmo 60:6

Txizimu txi wombile txiluveloni ka txona txi txi kha txona: “Ni na tsaka ni txi abanisa Sikemi ni na pima mkova wa Sukote!

Jeremiya 41:5

kutota vavamna va Sikemi, Silo, ni Samariya; mtxhanu wa magumi ni mararu a vavamna, na va ti yote siletu sawe, syambalo sawe si ti bhandeletwe ni kuwilelwa; manzani kwawe va ti ni siningo sa sakudya ni sa mphaxo, kasi kuya ningela Nyumbani ka Mkoma.

Genesisi 31:25

Labhani a to hoka hafuhi ka Jakobe, mmangoni ka Galahadhi, ahawa a nga ti gwimbile kona ditenda dakwe Labhani, ni va ka kwawe, a to gwimba ditenda dakwe nene kona mmangoni ka Galahadhi.