Genesisi 33:14 - Bhiblia Yo Sawuleka

¹⁴ Mkomwangu, ni kombela u tsula, u thangela masoni ka txithumi txako: Nguko ani ni na tsimbila kha kwati, madingano ni kutsimbila ka mtxhambi wu u ku nawo masoni kwangu ni vanana, kala kuza ni txi hoka Seyiri, m'tini ka mkomwangu.”

Genesisi 33:14 Referans Kwoze

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.

Varoma 15:1

Athu hi ku ni mtamo, hi fanete kurwala kutandeka ka va va ku si nga ni mtamo, hi si lavi asi si tsakisako wutumbu wathu dwe.

Marku 4:33

E va txhumayela dipswi da Txizimu ngu sidinganiso so tala, nga ti va nga txi sikotisa tona ku di pfisisa.

Ezekhiyele 25:8

Mkoma Txizimu a khene: Ngako Mowabhi ni Seyiri va ku kha vona: Wonani taku nyumba ya ka Judha yi fana ni otshe matiko;

2 Makronika 20:10

Wona vanana va ka Amoni ni va ka Mowabhi ni vanana va mimangoni ka Seyiri, ava u nga va lambela kuva txi pinda ngu Israyeli, mbimo yi va nga ti wuya ngu ditikoni da Egipta, se va to va vayilela va si valovisi.

Valamuli 5:4

Awe Mkoma, mbimo yi u nga huma ngu Seyiri, mbimo yi u nga ta ngu libalani ka Edhomi, mafu ma to zinginika nzuma yi to nisa mati, se marefu ma to wisa mati.

Dhewuteronome 2:1

Konako, hi to tshembereka, hi komba kuya txiwulani, ngu nzila ya Linene lo Bhilivila, nga ti Mkoma, a nga ni leletisa tona, se amu ka masiku o tala hi to tenderuka mmango wa Seyiri.

1 Vakorinto 3:2

I masi ni nga mi mamisa, hi nga sakudya so banga, nguko nga mi sa sikota kutxakuta. Hambi ni konkuwa, nga mi si sikoti,

Genesisi 33:13

Aniko Jakobe a ti khene: “Mkomwangu wa tiziva ti to vanana i ngadi vadotho, nani ni fanete kualakanya tinvuta ni tihomu ati ti mamisako; ngako ni txi ti khurisa, hambi i ti ditshiku dimwedo dwe, wotshe mtxhambi wu na fa.

Genesisi 32:4

A to va leleta, a txi khene: “Mi na ya womba ka Esawu, mkomwangu, mi txi khanu: Txithumi txako Jakobe, a womba tiya: Ni zumbile m'tini ka Labhani kota muwuyi, kala kuwa.