Genesisi 33:10 - Bhiblia Yo Sawuleka

¹⁰ Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Genesisi 33:10 Referans Kwoze

Jobe 33:26

Sekoko a na dila ka Txizimu, txi na tsaka ngu ngene, se a na wona khohe ya txona ngu kutsaka, kambe m'thu txi na mtshumetela wululamo wakwe.

Mtuletelo 22:4

Si na wona khohe ya txona, ni ditina da txona, di na bhalwa ha timbanza ka sona.

Jeremiya 31:2

Mkoma a khene: Vathu va va nga huluka matxhari, va mani wuxinji txiwulani; ni na ya ninga Israyeli kuva e humula.

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Masalmo 41:11

Ngako mlala wangu asi ni xuli, ni na tiziva konako ti to wa ni tsakela.

2 Samuwele 14:32

Se Abhisalome a to khene ka Jowabhi: Wona ta ku ni rumete vathu kwako, ni txi khani: Ngono kheno, kuva ni ta kuruma ka mfumeli, kuya m'gela tiya: Ni wuyete txani ngu Gesuri kani? I ti ti tshuko i ti ku ni ti ko zumbile ko kheyo. Konkuwa koko, ni lava kuya wona khohe ya mfumeli; se ku di ngadi ni mnandu wokari wangu, a na ni daye.

2 Samuwele 14:28

Ngu kumaha keto, Abhisalome a to zumba Jerusalema malembe mambidi o tala, kambe kha wona khohe ya mfumeli.

2 Samuwele 14:24

Se mfumeli a to khene: A na tshumela eya nyumbani kwakwe, a nga wone khohe yangu. Aniko Abhisalome koko a to tshumela e tsula nyumbani kwakwe, kambe kha wona khohe ya mfumeli.

2 Samuwele 3:13

Se Dhavhidha a to khene: Ngu tona, ni na maha txitumelelano ni nawe. Aniko ni kukombela txa tximwetxo dwe, i ku txiya: Khu na mbi wona khohe yangu, ngako u si ni tiseli Mikali, mwanana wa dihorana wa Sawule, ditshiku di utako ku ta ni wona.

1 Samuwele 20:3

Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

Rute 2:10

Sekoko Rute a to wa ngu khohe, e khizama hahatshi, a txi m'gela ku khene: “Ngu kutxani ni mana kukateka masoni kwako, aha koza u txi va ni kukhatala ngu ngani, ani ni ku wa matiko kani?”

Genesisi 50:4

Ma di pindile masiku a txidilo, Josefa a to womba ka nyumba ya ka Faro, a txi khene: Ngako mi di ni lirando ni nani, na mi kombela ti to mi womba tinzeveni ka Faro, mi txi khanu:

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!

Genesisi 19:19

Txithumi txako txi mani dithomo masoni kwako, kambe u kombisile wumbilu wako wa hombe kwangu, ani txithumi txako, ngu kuhulukisa wutomi wangu. Aniko kha ni sikoti kututumela mmangoni, ni nga welwa ngu dikhombo diya, ni txi fa.

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Genesisi 43:3

Aniko Judha a mxamute, a txi khene: “M'thu wule a hi gete ngu kutsanisa, a txi khene: Kha mi na mbi ta wona khohe yangu, ngako mi si nga ni mnanda wanu.”

Genesisi 33:9

Esawu a to engeta a txi khene: Ani ni naso so enela, mnanda wangu, ti vekele asi u ku naso.

Genesisi 33:11

Ngu toneto, na kombela, amukela txiningo txangu atxi ni ku mahelako, nguko Txizimu, txi ni mahete wumbilu, sa ku ti vhuna ngu sona ani, sotshe ni naso.” Ngu kukhokhoniswa, Esawu a tumete.