Genesisi 32:7 - Bhiblia Yo Sawuleka

⁷ Sekoko Jakobe a to tala ngu kuthava ni kukarateka. Ti di ngeto, a to abanisa vathu va a nga ti navo, tinvuta ni tihomu, ni makamelu ku txi maneka mitxawa yimbidi.

Genesisi 32:7 Referans Kwoze

Genesisi 35:3

Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

2 Timoti 3:12

Kha ditshuri, votshe va va lavako kuhanya ngu wukhongeli ngu ka Kristu Jesu, va na xaniswa.

2 Vakorinto 1:4

txona txi hi thavelela ka sotshe sixaniso sathu, kasiku hi sikota kuthavelela ava va karatekako, ngu yona thavelelo ayi nathu hi thavelelwako ngu yona ngu Txizimu.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Matewu 8:26

Se Jesu a to khene kwawe: “Anu vathu va kukholwa ka kudotho, mi ni dizowa ngu txani kani?” Sekoko a to khukha a txi ema, e dhusa txihuhuri ni linene; ngu msana keto, ku to tenga ngutu.

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Mavingu 2:11

U na vekiswa ngu mialakanyo ya yinene, ni wutxhari wu na kuxayisa;

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Masalmo 107:6

Aniko kupandisekani kwawe, va to dila ka Mkoma se ene a to va hulukisa kuxanisekani kwawe.

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Eksodha 14:10

Mbimo yi Faro a nga hoka hafuhi, vanana va ka Israyeli va to gula maso ve wona ti to Vaegipta ndiva, va ta ngu msana kwawe. Va to va ni kuthava ka hombe; sekoko vanana va ka Israyeli va to dila ka Mkoma.

Genesisi 32:11

Na ku kombela, ni lamulele manzani ka mkomwangu Esawu, nguko na m'thava, ati to a nga thuka a txi ta e ta hi daya, ani ni vamame, ni vanana.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.

Genesisi 32:8

Nguko ene a ti ti khene: “Ngako Esawu a txi hoka ka mtxawa wumwewo a txi wu heta, wumwani mtxawa wu na huluka.”

Genesisi 33:1

Jakobe a txi gula maso, a to wona ti to Esawu wata ni 400 wa vavamna. Sekoko a to hambanisa vanana va Leya, ni va Rakeli, ni vanana va sithumi sakwe sa simbidi.